影片
更多
2005-01-30
11 瀏覽
星期五，要出席比面扒地，連太座都要出動埋，咭片就交換左一堆，得野飲，食就無野好食。完左拿拿林兩個在附近搵食，太座想吃薄餅，所以就算行過呢度見幾多人，都入來試試。呢度三層，二、三樓都滿座，我們也是剛巧地下有人走才可以坐廚房前的二人檯。是晚幾多人，亦唔少人來買外賣，所以座位附近是人來人往的，可以選擇其實以樓上的位子好好多。先來兩杯啤酒，這裡得一款生啤揀，所以最後都係飲青島。要了芝士蕃茄沙律同燒雞肉沙律﹝Pollo﹞、雜肉薄餅﹝Quattro Carni﹞同菠菜芝士餡角﹝Colzone Spinaci e Ricotta﹞。三層樓的柯打，再加外賣都係地下的廚房做，所以都預左要等一陣，到兩個沙律來已經係飲緊第二支青島。沙律都要了小的，蕃茄沙律是無敵的Mozzarella芝士加蕃茄組合，味道不會差，蕃茄亦能抵銷芝士的濃膩感，不錯；燒雞肉沙律亦幾清新，伴碟的幾個小烘包味道鹹鹹的，幾得意，不過個人計還是喜歡蕃茄芝士多一點；雜肉薄餅是是日推介，配料有辣肉、辣腸、火腿、雞肉、蕃茄及芝士，幾豐富。烘得夠乾又香口，略縑餅底還是厚了一點點，除四季薄儘外的另一選擇；Colzone賣相唔錯，餅皮切下去都鬆軟。芝士
呢度三層，二、三樓都滿座，我們也是剛巧地下有人走才可以坐廚房前的二人檯。是晚幾多人，亦唔少人來買外賣，所以座位附近是人來人往的，可以選擇其實以樓上的位子好好多。先來兩杯啤酒，這裡得一款生啤揀，所以最後都係飲青島。要了芝士蕃茄沙律同燒雞肉沙律﹝Pollo﹞、雜肉薄餅﹝Quattro Carni﹞同菠菜芝士餡角﹝Colzone Spinaci e Ricotta﹞。
三層樓的柯打，再加外賣都係地下的廚房做，所以都預左要等一陣，到兩個沙律來已經係飲緊第二支青島。沙律都要了小的，蕃茄沙律是無敵的Mozzarella芝士加蕃茄組合，味道不會差，蕃茄亦能抵銷芝士的濃膩感，不錯；燒雞肉沙律亦幾清新，伴碟的幾個小烘包味道鹹鹹的，幾得意，不過個人計還是喜歡蕃茄芝士多一點；
雜肉薄餅是是日推介，配料有辣肉、辣腸、火腿、雞肉、蕃茄及芝士，幾豐富。烘得夠乾又香口，略縑餅底還是厚了一點點，除四季薄儘外的另一選擇；Colzone賣相唔錯，餅皮切下去都鬆軟。芝士菠菜餡味道濃郁，吃第一啖覺得好味，吃第二啖已覺得有點滯膩，加上餡皮，好在是二人分吃，一個人吃都會幾「漏」下。
吃罷薄餅及餡角，加埋2個人4支啤酒，不是飽，是有少少滯，所以甜品只要了一件芝士餅，亦好在只叫一件，因為幾濃郁，加埋厚厚的餅底，真的夠晒皮。
埋單五百五十蚊，不便宜，但食物也算有水準，一試無妨。
張貼
