長阪燒

營業中

休息中

之前喺網上見到有好多朋友介紹呢間餐廳，見到佢非常有特色，今日去開旺角附近，終於可以試一試。三文魚子松葉蟹肉飯一開始嚟咗一個蟹肉料理先，佢分咗兩種唔同嘅質感，分別係壽司飯，同埋脆餅，口感非常特別，而且松葉蟹肉嘅份量好多，頗有驚喜。法國鵪鶉髀呢個鵪鶉髀嘅擺盤非常有特色，而且店員仲細心咁提醒我哋開咗個會有煙，味道上有種臘味嘅感覺，鹹鹹地頗為開胃。燒油甘魚鮫本身好鍾意食油甘魚，而呢一個油甘魚份量都好多，味道都相當唔錯。穴子天婦羅天婦羅啱啱炸好熱辣辣，而且粉唔算好多，恰到好處。串物另外仲叫咗好多唔同嘅串物，最有驚喜係其中一個卷入邊夾咗金菇，面頭用肉包起咗，層次非常豐富，而且好有咬口，咬落去仲有汁噴出嚟。而其他串燒嘅味道都幾有驚喜，質素相當唔錯。