鄰居

營業中

休息中

呢間漢堡專門店主打手工牛肉漢堡，可以配唔同嘅芝士、蘑菇或者黑松露醬，我叫咗最簡單嘅美式牛肉漢堡($48)，朋友鍾意食菠蘿所以叫咗鄰居漢堡($64)，入面仲有煙肉同炒蘑菇絲，另外再share個洋蔥圈😋賣相唔錯，唔係好華麗但吸引到食客，麵包甜甜地、好似餐包，芝士未去到拉絲，不過焗熔咗所以更融入到漢堡，漢堡扒表面有煎到微濃，一路食都會滴肉汁出嚟，但未去爆汁嗰種🙈初頭以為冇醬汁，原來喺曬同一邊🤣係有啲芥末味嘅千島醬咁，如果比多啲就會更好😉鄰居漢堡相對上比較juicy、冇咁乾身，可能因為菠蘿汁同煙肉嘅油份，煙肉有濃邊又唔會煎到硬曬，菠蘿表面都有微微焦濃，整體嚟講口感幾豐富，係預期中嘅味道😆洋蔥圈即叫即炸，嚟到嘅時候一大浸熱氣湧上嚟，咬落去脆卜卜，粉漿厚薄啱啱好、鬆鬆地唔會太實👍🏻