影片
更多
2010-07-15
63 瀏覽
這餐飯因我而擾攘多時，第一次張羅屋企；第二次因我的腸胃炎；今次第三次我本想因生理痛作罷此飯局，但正因為數次都係因我而要向餐廳所預留的枱作出取消我又真的很不心息...店方對我說裝修過了<oh~這驅使我又想巡視一下哩！新的餐牌選擇更多元化，即使最普通洋室的環境亦坐得更舒服，傾偈、影相亦很有私密度。<日本豆腐海藻沙律>$68豆腐的數目告訴我它很矜貴，當然質感很軟、很輕沒港式的石膏味，點綴就是這樣。 海藻不見得像一般seaweed的墨綠色，很特別很靚的紫粉紅色。當中的沙律菜亦很清新，配上vinegar真的想添食，因不喜歡食菜的人不會喜歡本地菜的苦澀及啅極都唔爛，與配菜的蕃茄很清甜不帶泥味。<特選日本和牛拼盤>$450因人丁單薄得我們倆做不到散叫，擺得上枱燒的部位有咁多，散叫真係唔知要叫幾多款至夠！？這拼盤我試過三、四次，我覺得質素比早前更一番，其中一個因素當然今次我只係負責食，燒都係留給個技術比我好、耐性比我好的人。最重牛味、最肥美的牛係會在拼盤中零捨用一個碗仔額外裝著，數目只有三、四件。(食這幾件時記得慢慢品嚐)--肥美得我只會形容為像肥皂一樣滑得骨碌
新的餐牌選擇更多元化，即使最普通洋室的環境亦坐得更舒服，傾偈、影相亦很有私密度。
<日本豆腐海藻沙律>$68
豆腐的數目告訴我它很矜貴，當然質感很軟、很輕沒港式的石膏味，點綴就是這樣。 海藻不見得像一般seaweed的墨綠色，很特別很靚的紫粉紅色。當中的沙律菜亦很清新，配上vinegar真的想添食，因不喜歡食菜的人不會喜歡本地菜的苦澀及啅極都唔爛，與配菜的蕃茄很清甜不帶泥味。
<特選日本和牛拼盤>$450
因人丁單薄得我們倆做不到散叫，擺得上枱燒的部位有咁多，散叫真係唔知要叫幾多款至夠！？這拼盤我試過三、四次，我覺得質素比早前更一番，其中一個因素當然今次我只係負責食，燒都係留給個技術比我好、耐性比我好的人。
最重牛味、最肥美的牛係會在拼盤中零捨用一個碗仔額外裝著，數目只有三、四件。(食這幾件時記得慢慢品嚐)--肥美得我只會形容為像肥皂一樣滑得骨碌自動「跣」落喉嚨，齒頰留香。
除了這碗仔中的三數件牛係較特別外，而餘下碗仔外其餘的分別只係個肉身較薄，肉香一樣很重牛味，只係不至於滑得自動滑落喉嚨。
坊間我所去過的一般烤肉店所謂的肥美都係給予我的印象係打邊爐肥牛hot pot的肥美，咬完還要牙罅殘留一堆的牛肉渣滓留待我回家用牙線清潔一輪...但這裡牛肉的；肉的紋理切得好就不用廢嚼勁去咬，故此肉的渣滓沒痴牙。
<厚切牛切>$260
我倆三數年以來都係第一次試這個，這個都係比一般薄切牛舌貴$10-$20，但一試我倆覺得美味極了。值得一試！
入座不久遇見過往那位日文經理熟練的招呼，多口虛心請教這個怎樣才會燒得好，他很熱心耐性教我們，再約略一看網頁原來多數都對這厚切存有錯覺，我很替它可惜，故此我覺得值得分享想替它平反—根據經理所教，厚切並不會很快就熟，要耐性燒得它表面用筷子輕按帶硬、挺身，表面顏色角位帶金黃微焦脆口就最好。(其實這個我想了一會怎形容才會令人明白，我覺得用平日我們怎樣煎午餐肉形容會較容易心領神會，牛舌的角位就是因肉質的油水惹火就會金黃微焦就是了，所以我覺得用燶字又太嚴重，用微焦會較溫和。一咬落去我會形容成像食脆皮芝士腸外層那脆皮一樣「卜」一聲然後豐富的肉汁油水由內裡流出。
<白飯> $30
叫碗飯頂肚會較抵，記得同烤肉一齊上枱會最perfect！
<冷麵>--辛辣(進階版)
店方勁細心，原本menu的一碗預先幫我倆分成兩碗。
麵係蕎麦，同行說顏色帶微青，但橙黃燈下我看又覺得透明，質感很幼很滑，狀態很癡纏，藕斷絲連剪不斷理還亂。
舊版的係水冷麵，喜歡較濕口的叫這個舊版就對。而我叫的係新版，雖然都叫濕口，但我覺得這係叫混醬，即似撈麵多d囉！但汁係甜甜酸酸，我都係因食了這麼多肉想減油膩感才叫這個。才配上蘿蔔絲青瓜絲係很爽脆清新的，當然亦不會像本港的青瓜蘿蔔一陣臭泥味。因麵身較痴纏像食pizza的芝士一樣，加上係冷盤，我覺得汁再稀d再多一點會較好，放心~食到底個咀才算叫辣得慶合合！
食後感：
吁...純粹真的覺得有關肉類的補充才令我很多餘般再寫這食肆<<<一定俾人話我妳搞咩嚟？花費1k又食回這間！fxxx
但我覺得會再幫趁囉！嗱嗱嗱...我心水食肆真的空無一物，唔想俾人覺得我硬銷，我冇收錢收禮物，最近見過一個特別的朋友，他知我有寫OR但我冇同佢開我網名...分享嘛！覺得好食我又會寫，我眼中覺特別又會寫，不值一食、有合理的理由而令我不吐不快有時間我都會寫一寫(咁當然我唔希望發生啦！做人俾條生路人較好。)
我很坦白覺得係貴的，但當然同時問心我又會覺自己食下肚的東西都交回相約的貨式給我...只係我將心比己憑空想像若然我買護膚品、化妝品或內衣褲買到個價位咁款我的肉赤程度又會怎樣？不要忘記現在的日紙真係很金
長話短說，因這店子我都去了三數年才有信心一入就正題放血(雖然唔係我埋單我都係被請，但都要搵間較願意令人付錢才正路)
真正想試牛的一係散叫，一係澳洲和牛拼盤，一係日本精選和牛拼盤，不然會有空手而回的感覺。
希望會有下一次。
未加一都9xx，加埋一我諗約1k。(我無事挑剔就俾笑, 係唯獨個冷麵我留了意見, 咁這間係以烤肉作主打, 咁配角有待改進就即不礙事, 故我俾笑面)
張貼
