薔紅

營業中

休息中

今日同同事去咗灣仔叫咗馳名嘅燒春雞。🐥呢隻雞真係好吸引，金黃酥脆嘅外皮，香噴噴，令人一見就想食。😻咬落去，肉質鮮嫩多汁，完全唔會乾柴，味道好入味，感覺就好似食緊乳鴿或者乳豬咁，真係令人驚喜。💓 配搭嘅醬汁有椒鹽同埋甜酸醬亦都好特別，酸酸甜甜，正好中和咗燒雞嘅油膩感，令人一口接一口，停唔落嚟。可以揀薯條/意粉/沙律/飯，我揀咗薯條🍟。薯條食落去又一浸粟米湯嘅味道，非常特別💗第一次去茶餐廳食到有味道嘅炸薯條🤣同事叫咗意粉，都不過不失。另外一位同事叫咗沙律，但係就太多沙律汁，感覺似食汁多個食沙律🤣餐廳嘅環境都幾舒服，服務員態度親切！大部份都係叔叔輩，全部都風趣幽默🤣而且態度殷勤，服務質素值得一讚💗總括來講，今次嘅用餐經歷非常滿意，燒春雞真係值得一試🫡🫡🫡下次再來灣仔，仲想試下其他菜式！