雲南小鍋米線

營業中

休息中

我的第一篇食評一定要獻比呢間位於石梨的米線！如標題，絶無誇張，早在佢被譽為宇宙第一米線之前我就經已食上癮，三年前有段時間在葵芳番工，經朋友m激烈推介呢間米線，記得第一次食，炎炎夏日lunch time等左足足半個中先有得落單，不過當我食左第一口，就知道等幾耐都值得！即使而家離葵芳勁遠，每隔一陣子都會搭個幾中地鐵轉巴士黎食！一如以往，拎非門口等，今日星期日都要等幾個字佢既小鍋米線真係逐碗整，個湯底濃得黎唔膩，我食dd辣，剛剛好，又不至於食到出汗，同埋最欣賞米線本身既麵質，比出面既幼身，唔會浸到淋，又keep到有彈性，真係其他地方食唔到！