影片
更多
2018-06-17
861 瀏覽
世界盃已經開咗鑼，唔知大家準備好點樣迎接這四年一度的足球盛事未呢？除了安在家中睇波外，相信不少球迷為了感受熾熱的氣氛，都會出去酒吧邊蒲邊睇！筆者當然也不例外，所以一早就已經搵咗個睇波嘅好地方，同屋企人一齊去湊下熱鬧。大家係咪覺得呢個背景好熟口熟面呢？無錯，呢度就係「港島太平洋酒店」。其實上個月嚟酒店 1 樓「Centre Street Kitchen」 食泰式風味海鮮自助晚餐，就已經留意到餐廳樓下有間「Centre Street Bar」。早前瀏覽酒店網頁，得知「Centre Street Bar」今次不但會現場直播超過 35 場賽事，而且仲預備咗兩款適合 2-3 位或 4-6 位嘅 beer package 啤酒套餐供客人選擇，網上訂座仲會有折扣優惠，所以就特意 book 了檯，趁周末同家中嘅小鬼出嚟輕鬆吓。酒吧嘅環境真係唔錯，雖然地方不算特別大，但勝在景觀開揚，而且座位同座位之間亦算闊落，加上客人多是斯文客，不似區外的劈酒場，嘈到拆天，連旁述把聲都聽唔到，讓人坐得舒服。留意到場內更設有足球機，睇波之餘仲可以玩吓波，過吓手癮。而今次我就訂咗個適合 2-3 位享用嘅「暢飲套餐」，優惠
世界盃已經開咗鑼，唔知大家準備好點樣迎接這四年一度的足球盛事未呢？除了安在家中睇波外，相信不少球迷為了感受熾熱的氣氛，都會出去酒吧邊蒲邊睇！筆者當然也不例外，所以一早就已經搵咗個睇波嘅好地方，同屋企人一齊去湊下熱鬧。
大家係咪覺得呢個背景好熟口熟面呢？無錯，呢度就係「港島太平洋酒店」。其實上個月嚟酒店 1 樓「Centre Street Kitchen」 食泰式風味海鮮自助晚餐，就已經留意到餐廳樓下有間「Centre Street Bar」。早前瀏覽酒店網頁，得知「Centre Street Bar」今次不但會現場直播超過 35 場賽事，而且仲預備咗兩款適合 2-3 位或 4-6 位嘅 beer package 啤酒套餐供客人選擇，網上訂座仲會有折扣優惠，所以就特意 book 了檯，趁周末同家中嘅小鬼出嚟輕鬆吓。
酒吧嘅環境真係唔錯，雖然地方不算特別大，但勝在景觀開揚，而且座位同座位之間亦算闊落，加上客人多是斯文客，不似區外的劈酒場，嘈到拆天，連旁述把聲都聽唔到，讓人坐得舒服。留意到場內更設有足球機，睇波之餘仲可以玩吓波，過吓手癮。
而今次我就訂咗個適合 2-3 位享用嘅「暢飲套餐」，優惠價只是 $448.8 (價目須另收加一服務費，並以原價計算)，原價要 $528 㗎。至於套餐嘅項目就包括有 1 個兩公升啤酒塔 (可選 Carlsberg 嘉士伯啤酒或 1664 Blanc白啤酒)，另加兩款精選小食。如果無預訂套餐，當然亦可以散點，個 Snacks Menu 都幾豐富㗎，另外睇過餐牌，除咗啤酒外，酒吧仲會有香檳、紅白酒、威士忌、三文治、漢堡包、海南雞飯、雲吞湯麵等供應。
個兩公升啤酒塔，相當高大，分量不少，賣點嘜頭十足，雖然我和家人都唔係「酒鬼」，但可以一路睇波，一路慢慢斟、慢慢飲，感覺亦特別爽。至於精選小食方面，酒吧今次就特別為世界盃而推出咗幾款具國家特色嘅食物，當中包括有代表阿根廷嘅香辣鮮蝦熱狗、澳洲炸魚薯條、韓國部隊石鍋辛辣麵、墨西哥辣肉薯皮、德國鹹豬手同西班牙黑毛豬火腿拼盤。
選了炸魚薯條同德國鹹豬手，炸魚薯條以籃子盛著上桌，魚柳即點即炸，共有兩件，每塊都有成吋厚，外層粉漿色澤金黃，入口又薄又脆，而內裡的魚肉，咬下亦極之滑溜；用來配自家製的他他醬吃，不但酸甜開胃，更可平衡炸魚的油膩感。旁邊嘅薯條，雖然未至於成雙筷子咁粗，但入口香脆、不帶油膉，肉質鬆軟粉嫩，吃起來亦薯味十足。
至於另一客德國鹹豬手，分量亦絕不欺場，外皮咬下脆卜卜，真是好似食緊乳豬咁，「索索」聲，甘香鬆脆，加上入面肉質夠嫩滑，肥膏偏少，入味多汁，令人停不了口，配墊底嘅自家醃製酸菜吃，然後再喝一口啤酒，感覺最正。
如果人多嘅話，亦可以預訂「狂歡套餐」，適合 4-6 位享用，優惠價只是 $888.1，(價目須另收加一服務費，以原價 $1,070 計算)，套餐包 2 個兩公升啤酒塔，三款精選小食及招牌炒飯或炒麵，非常超值，大家不妨考慮吓。
張貼
