Mille Mele Tokyo (已結業)

日本酥皮蘋果批著重外皮鬆脆、內裏嘅蘋果鮮甜，之前係sogo開左RAPL，今次Mille Mele就開咗係times square對面，紅色的一個小店舖，係日本東京橫檳過江龍，而且還聲稱係世界第一蘋果批。今日係銅鑼灣同朋友食完飯，仍然未夠飽，還想吃小食，正當諗緊食咩好之際，就諗起呢間過江龍。店舖設在時代廣場後面，唔難尋找，加上店舖紅彤彤嘅裝橫，係遠處都已經見到。店舖內的裝修十分日系，燈光柔和，比人舒服嘅感覺。除左蘋果批，仲有千層一口酥，但由於食完午飯，所以今次只係試咗蘋果批。世界第一蘋果批 $36 (7/10)酥皮賣相脹卜卜，微暖嘅蘋果批，酥皮鬆脆，咬入口有幾個蜂巢咁，幾有空氣感。至於，餡料係以吉士醬配忌廉，配搭新鮮蘋果，吉士醬加忌廉令蘋果批口味creamy、幼滑，味道適中，唔會蓋過咗蘋果本身嘅鮮甜，蘋果粒味道清甜多汁，切得大大粒有咬口。