東歐餐廳

🇺🇦東歐餐廳Ivan the kozak🇺🇦Book咗呢間餐廳朋友介紹話幾好味，我預約嘅時間係中午，先試下午餐先😋到達餐廳已經見到烏克蘭連儂牆，貼滿咗支持嘅字句，好有嘅感覺，本身以為東歐菜究竟係咩？食完，東歐菜原來係咁😊🔸香燒豬肋骨 - 全個肉味都好濃味，亦非常惹味，肉質某啲位有少少柴，嗰個汁係黑椒汁，配左白飯，其實女仔食都足夠，男仔可能爭少少。🔸羅宋&南瓜忌廉餐湯 - 羅宋湯非常之濃郁，感受到佢落咗好多鮮蕃茄去煮成。南瓜忌廉湯反而味道有啲淡，不過都煮得好滑。🔸椰菜沙律 - 沙律味道一般正常🔸玫瑰花蜜 & 咖啡 - 玫瑰花蜜看似好淺色，其實好濃花香味，有少少似香精沖出嚟，不過都還好啦。咖啡好濃，有烘焙過嘅味道。全間餐廳都有好多心思位，包括佢哋用嘅布藝；燈飾；入餐廳前嘅擺設飾櫃都反映出餐廳其實好注重當地文化。