金鶴拉麵 (荷李活道) (已結業)

星期天，相約了好朋友在上環見面，到了晚餐時間，大家都不約而同地想食麵，但附近都比較難搵到食麵的餐廳，終於起荷李活道見到一間名叫金鶴既日本拉麵餐廳，見佢價錢合理，決定去試一試餐聽裝修新潮，有一個可坐10 人左右既拉麵吧，可以清楚見到拉麵師傅如何煮拉麵🤩，除此之外還有很多餐台，食具擺放整齊，而且座位寬闊，餐廳還有很多以鶴為主題既裝飾，燈光柔和，令人十分舒服。餐廳除咗有拉麵，原來還有鰻魚飯供應，聽侍應講佢地用台灣鰻魚和日本既七星米，係佢地出名的菜式，但我地最後都係決定食拉麵。餐牌除咗拉麵，還有很多小食。雞白湯拉麵🍜拉麵賣相一流，黑色厚重既拉麵碗裝住熱騰騰既拉麵，上面還有日本大蔥和炸淮山，奶白色既湯，有一層泡沫，輕輕品嚐一口，白湯濃稠而不油膩，口感順滑，配上帶有點嚼勁既拉麵，令人十分滿足。叉燒分別有二種，豬肉叉燒肥瘦均勻，火炙後更增添一份油香，慢煮既雞肉叉燒肉質嫩滑，有一定水準，雞蛋滷得入味，值得一讚。黑蒜醬油拉麵朋友點既黑蒜醬油拉麵，聽佢講碗拉麵蒜味好濃郁，湯用咗醬油做調味，所以好鮮和濃味，同樣配上中身拉麵，其他配料同我碗拉麵沒什麼分別，喜歡濃味既朋友不妨一試。日式唐揚炸雞🍜炸雞做得非常出色