Daap

營業中

休息中

最近發現左呢間喺中上環巷仔嘅特色fusion小店，勁驚喜😍餐廳裝修型格，餐具都好有心思，擺盤精緻！座位圍住open kitchen,可以睇到大廚Chef Luke認真處理食材，精心烹調料理👍🏻🔶 花膠配泰式乳酪紅油醬花膠腍而不膩，配上泰式香草同乳酪醬，帶少許辣🌶️，仲要大廚親自係面前倒下醬汁，視覺味覺都一流。🇨🇳中式嘅食材，🇹🇭泰式嘅香料醬汁，同埋🇫🇷法式嘅presentation，預告係一場fusion盛宴🤩🔶 烤栗子湯配羊肚菌呢個湯好驚喜，第一次品嘗栗子湯🌰栗子湯香濃順滑，甜甜地，配上椰汁昇華味道。仲有鮮甜嘅香煎羊肚菌作點綴，好有菇味又有口感，加埋焗到卜卜脆又充滿麥香嘅sour dough 麵包，一試難忘😍🔶 臘腸卡邦尼手工意粉主菜係臘腸carbonara，以中式臘腸配上自製嘅闊條麵同芝士，係你面前拋鑊翻滾，令每一條麵都沾滿醬汁，最震撼係用火槍灼燒表面，令溫泉蛋、芝士，同闊條麵都有輕微焦香，十分滿足。🔶 西班牙紅蝦燒賣第二道主菜係西班牙紅蝦燒賣，主廚建議我地唔好切開食，一啖咬落去，入面仲要爆汁，蝦肉非常彈牙，配上用蝦頭熬製嘅鮮甜醬汁，入口就係成個地中海嘅鮮味！🔶 自家製菠蘿包配伯爵茶