蜜庵本膳 (已結業)

見到餐廳介紹好正、而且冇點食過日式下午茶、重點有我最鍾意既士多啤梨🍓、當然去試下！但今次真係中哂伏🤦🏻‍♀️🤦🏻‍♀️真係冇期望就冇失望🙃 草莓豚肉卷 真正感受到勉強冇幸福、有時候分開下會比較好🙄明明士多啤梨骨好好食、都係豬肉同士多啤梨做🤔但呢個粒士多啤梨好酸豚肉好油 食落超怪☹️最中餅係我自己本人唔鍾意食、一款係草莓雞肝、（味道勁怪）另一款係三文魚芝士！（最好食係佢）草莓蕨餅 我覺得自己食緊大菜糕☹️ 馬卡龍好甜好硬、蜜柑櫻花羊羮我自己接受唔到果陣櫻花綠茶味🙃 叫做正常少少就只有酒tiramisu 同深煎黃豆草莓芝士餅 可以食得下🤦🏻‍♀️🤦🏻‍♀️後來我睇menu 先發覺 冇左個三色白玉子紅豆汁粉、算啦 可能都係伏！整體黎講 完全唔岩我口味🙄🙄從未試過食下午茶唔飽、十件入面得三件係食哂、其他都食左一啖就放低🤮