Amina Modern European (已搬遷) 新店位置

做唔切就唔好接咁多枱客, 要客人白白咁捱餓等, 等到咩食慾都無曬, 怪不之食三個半鐘, 三個幾鐘係要等所有客人到齊先上菜, 好似去喜宴咁, 七點入席, 人齊咪一齊上菜, 建議下次坐埋一圍枱咪好, 出來分埋菜方便, 就算你食完你都要等鄰枱食完, 你先有得食, 萬一鄰枱慢慢談心摸杯底食得慢, 你就大獲唔洗指意有得起菜, 你望住人地食完咁先大家有得食咁。個廚師咁咪好得閒, 待應1個就足夠, 係度你眼望我眼, 裝裝下咁, 明知食完都唔上下一道, 又唔係做野又唔收碟, 好似唔休做咁, 三個幾鐘唔係享受, 係捱餓難受, 等到好眼訓, 每道菜分量又少, 又唔係好食, 講緊唔係煮一大碟餸出黎, 出黎樣樣得一塊一粒都要等咁耐, 熱食又唔夠熱。呢間10 SET MUNU原來當中有3 度菜係包括埋幾片面包, 一球雪芭, 幾粒細細粒的朱古力。貴格唔飽, 真係快快脆食完快D走。從未見過一間餐廳會咁對客, 貼錢買難受, 做生意唔係咁, 今次的確一大見識。奉勸各位得閒沒事做, 可能來感受一下飢餓的感覺。