影片
更多
2016-01-03
3975 瀏覽
諗住2016年新開始,同女朋友食餐好嘅,又唔想去到尖沙咀,銅鑼灣咁遠,就搜尋下沙田區有咩唔錯嘅餐廳啦,睇見openrice啲食評話呢間餐廳氣氛有情調, 服務員细心, 食物質素高。因為做哂工課,睇咗食評先嚟,諗住無死啦,呢間一定係水準之作。一入到去,見到環境好似唔錯喎。就坐低點餐啦,我地叫個waitress介绍下有咩蠔好食。最後order咗個蠔拼盤 $398 (包12 隻 $36 以下嘅蠔,2個餐湯 ) 但我地補咗百零蚊差價食埋其他款嘅蠔, scampi, 牛蒡蟹肉薯餅,卡邦尼意粉。首先講咗食物質素1. 蠔,不過不失,正常即開生蠔味道,新鲜嘅.... 不過,我食到成口殼... 唔小心啲食,爆咀都似。2. scampi, 都算新鲜嘅, 但係细隻。3. 薯餅, 我肯定佢有落蟹, 因為食到有蟹殼,唔知呢D係咪叫原汁原味呢。4 卡邦尼,我本身對佢期望最高,因為見有其他食家大讚.... 但係一食落去,灰咗, 個卡邦尼超級乾身,食落口感就如某大薄餅餐廳的香蒜肉絲意粉, 同埋好咸, 我食咗2啖,真係食唔落, 但為免浪費, 我打包返屋企加工再煮。5. 餐湯係磨菇湯,同金寶湯無分別。講完食物就講環境同服
因為做哂工課,睇咗食評先嚟,諗住無死啦,呢間一定係水準之作。
一入到去,見到環境好似唔錯喎。就坐低點餐啦,我地叫個waitress介绍下有咩蠔好食。
最後order咗個蠔拼盤 $398 (包12 隻 $36 以下嘅蠔,2個餐湯 ) 但我地補咗百零蚊差價食埋其他款嘅蠔, scampi, 牛蒡蟹肉薯餅,卡邦尼意粉。
首先講咗食物質素
1. 蠔,不過不失,正常即開生蠔味道,新鲜嘅.... 不過,我食到成口殼... 唔小心啲食,爆咀都似。
2. scampi, 都算新鲜嘅, 但係细隻。
3. 薯餅, 我肯定佢有落蟹, 因為食到有蟹殼,唔知呢D係咪叫原汁原味呢。
4 卡邦尼,我本身對佢期望最高,因為見有其他食家大讚.... 但係一食落去,灰咗, 個卡邦尼超級乾身,食落口感就如某大薄餅餐廳的香蒜肉絲意粉, 同埋好咸, 我食咗2啖,真係食唔落, 但為免浪費, 我打包返屋企加工再煮。
5. 餐湯係磨菇湯,同金寶湯無分別。
講完食物就講環境同服務
1. 餐廳環境唔錯嘅,我好欣賞佢張好靚嘅石面枱,但係我去嗰日唔知係咪咁啱啦, 有2枱手抱小朋友, 不停叫囂.... 我覺得好似去咗迪士尼咁,同女朋友去真係大殺風境( 利申:我本人十分喜歡小朋友, 但當日我係打算同女朋友靜静地食餐飯)
2. 服務質素呢樣要重點講喇, 間舖得一個女waitress, 講嘢十分大聲。 我食咁耐,就聽佢摸住酒杯底同隔離枱大聲傾計傾足咁耐。 搞到我想揾佢斟水, 都唔好意思叫佢。 態度同服務, 一個字差。
總结,我地食咗$9百幾蚊, 我地用餐時間只係用咗1 個鐘,因為我地實在不能忍受落去。原本滿心歡喜去食開年飯,但換嚟一餐黑面飯。成餐飯, 一張相都無影過。
張貼