甘の季節

營業中

休息中

見佢裝修靚靚地又賣中式糖水，點知中哂伏。入去搭枱聽到隔離情侶話咩好難食，八卦問一問原來真係講緊啲糖水唔好食..諗住算啦都坐低咗就硬住頭皮叫咗兩碗傳統嘢應該冇死掛？🙄大家估下呢碗咩嚟呢碗係芒果西米露呀⋯上到枱係一個平碗咁滿嘅椰水，我不不撈撈整瀉啲水都未不到完整一羹西米😓我可以話咁大個碗應該得一半係有西米同芒果，食到一半你見啲水都仲係咁多🙈朋友嗌嗰碗楊枝甘露啲芒果就黑色嘅，對面對情侶都話啲糖水真係好稀⋯佢碗紅豆沙都真係豆還豆水還水😅雖然尖沙咀舖租貴，都未至於咁呀… 好似比人呃咗咁可一不可再