火夫

營業中

休息中

本來諗住黎試佢地lunch set 同埋出名既大蝦拉麵，點知我同朋友都比佢既2小時free flow吸引左，任飲各款燒酎，highball, 啤酒，梅酒。我地點左白桃燒酎，巨峰燒酎，呢款酒味同水果甜味都好淡，但佢串冰水果就好甜好好食，跟著點左乳酸威士忌梳打，乳酸味都係唔出，但酒味就好濃，好似直接飲威士忌咁最後係柚子梅酒做結尾。每人點左9串串燒，比較推介既係蟹肉牡蠣，連我個唔食蠔既朋友都話要encore, 另外雞胸骨，五層豚肉燒，白燒活鰻都唔錯，另外2款既牛柳串燒正常，無咩特別。埋單每人400蚊，總結黎講都唔錯，慢慢飲下野，食串燒，傾下計咁度過一個下午。