影片
更多
2024-11-03
189 瀏覽
未試過咁差嘅用餐體驗！先講嘢食，點咗一個五花腩、豬皮、水冷麵、蠔同埋汽水。五花腩都叫正正常常。雖然其餘食過所有韓燒嘅豬皮都唔一樣，但係未算難食嘅。嘩，但係個水冷面呢你都竟然係一大嚿咁樣上，完全冇分開，撩極都撩唔散，強烈懷疑員工成個麵餅抌入去就咁上餐。蒜蓉牛油生蠔完全冇蒜蓉同牛油味，六隻竟然夠膽收人$128 ，只不過係六隻小桶蠔嘅size，憑咩收咁貴？都算啦，見過杯好污糟咁，上一手嘅韓式辣醬都仲喺個杯邊度，就諗住飲一枝啤酒一定乾淨啲啦，佢竟然話佢哋冇酒牌仲搞緊，請問有邊間餐廳營業咗咁耐，運作咗咁耐，竟然連個酒牌都可以同我講冇呢？仲要見到上個禮拜左右一篇食評話佢哋可以喺呢間分店度飲酒，請問佢個酒牌去咗邊呀？點解人哋有得飲？我冇得飲呀。再加上冇酒牌咁大件事唔係餐廳應該主動申報同我哋講聲嘅咩？嗌晒嘢食要嗌酒嗰下先話俾我知？成個Drink Menu得兩頁，其中一頁就全部都係酒精飲品，點知原來有一半都有都冇得飲，咁你就大大隻字寫住冇酒牌啦。都算啦，個drink Menu大大隻字寫住樽裝汽水，主打懷舊，有晒相咁，嚟到竟然係罐裝？啲汽水啊仲要係唔齊㗎，連忌廉都冇。再講吓環境方面，我哋坐卡位，嚟到嗰下已
先講嘢食，點咗一個五花腩、豬皮、水冷麵、蠔同埋汽水。五花腩都叫正正常常。雖然其餘食過所有韓燒嘅豬皮都唔一樣，但係未算難食嘅。
嘩，但係個水冷面呢你都竟然係一大嚿咁樣上，完全冇分開，撩極都撩唔散，強烈懷疑員工成個麵餅抌入去就咁上餐。
蒜蓉牛油生蠔完全冇蒜蓉同牛油味，六隻竟然夠膽收人$128 ，只不過係六隻小桶蠔嘅size，憑咩收咁貴？
都算啦，見過杯好污糟咁，上一手嘅韓式辣醬都仲喺個杯邊度，就諗住飲一枝啤酒一定乾淨啲啦，佢竟然話佢哋冇酒牌仲搞緊，請問有邊間餐廳營業咗咁耐，運作咗咁耐，竟然連個酒牌都可以同我講冇呢？仲要見到上個禮拜左右一篇食評話佢哋可以喺呢間分店度飲酒，請問佢個酒牌去咗邊呀？點解人哋有得飲？我冇得飲呀。再加上冇酒牌咁大件事唔係餐廳應該主動申報同我哋講聲嘅咩？嗌晒嘢食要嗌酒嗰下先話俾我知？成個Drink Menu得兩頁，其中一頁就全部都係酒精飲品，點知原來有一半都有都冇得飲，咁你就大大隻字寫住冇酒牌啦。都算啦，個drink Menu大大隻字寫住樽裝汽水，主打懷舊，有晒相咁，嚟到竟然係罐裝？啲汽水啊仲要係唔齊㗎，連忌廉都冇。
再講吓環境方面，我哋坐卡位，嚟到嗰下已經覺得張凳好污糟，要特登掹紙巾出嚟鋪喺凳上面。都唔好講個地板笠到不得了，擺隻腳喺地下5秒啊，就好似比膠漿黐住咗咁啦。除此之外，成幅牆都係油漬望住啲黑色一達達，要我食飯真係唔開胃啊！喺我食緊途中，我都同同行人講，如果我哋再唔食快啲啊，可能陣間見到曱甴㖭啊。點知，一隻大到不得了，長約6cm，擺明識飛嘅曱甴就出現咗喺我哋眼前，我哋嚇到即刻跑走埋！
我真係唔明點解會有咁多人留低好評，有任何衛生常識同埋識食嘢嘅人都唔應該隨意行入呢一間炑八燒烤嘅分店度，又話冇酒牌，又有曱甴，啲嘢又難食。我講緊喺食完之後半個鐘都冇就肚痾啦。
我真係未試過咁差嘅用餐體驗啊，希望各位睇到呢篇食評嘅食家小心睇路啦。
不過我諗佢都就快結業㗎啦，酒牌又唔續，又冇人食得嗰幾台客，去隔離牛大人食冇咁嬲啊。
張貼