京香閣 (已結業)

見呢排好興中式食品放題，飲茶又放題，樣樣都試下。今晚就去呢呢間京香閣食京菜放題，目標係食片皮鴨。上到黎先發現原來個餐好抵食，$268包湯，半隻龍蝦，再加其他食物任食，真係平靚正。坐低就上左碗花膠湯同龍蝦，我地揀左上湯龍蝦，估唔到肉質鮮甜又滑，大家都賺整得好好食。去buffet area行左一轉，冷盤熱盤都有好多選擇，食物水準中上，最開心係有兩款丸子。未食主食已經食左酒釀同薑汁丸子。最期待係個片皮鴨，平時出街食飯最多食到兩三片，係呢度就可以無限任食。個鴨非常唔錯，燒到塊皮好脆，忍唔住每人食左4-5件，值得推介。最後仲有點心紙可以劃點心同甜品。小籠包好多肉汁我地點左兩次。最喜歡係佢地整到d甜品係bite size, 一啖食曬。總括嚟講，京香閣的中式放題有心思，可以再試。