潮州合成甜品

營業中

休息中

夜左放工，朋友又有揸車，去九龍城食個宵夜就係最好不過。合成糖水，一間喺九龍城老字號嘅糖水，主要都係食中式糖水為主，都有少量嘅西式甜品嘅。餐廳座位都算多，因為有兩層，但係唔好諗住一定唔使等位，原因係合成糖水都幾出名，成日都會滿座。我叫咗個腐竹湯圓，$35，價錢唔係平。個質素都有保證嘅，應該話，你喺嗰度求其叫一樣甜品，都一定唔會令你失望，但都未必會比到你驚喜，所以話佢只能俾你一個有保證嘅感覺。湯圓係芝麻餡，你嘅厚度適中，當然如果可以做到皮薄餡多就最好啦。腐竹都幾滑，還好啦。總結：如果喺九龍城食完野嘅話，再想食糖水的話，合成糖水一定會係其中一間考慮嘅糖水舖。