影片
更多
2021-01-17
2062 瀏覽
蘭苑餐廳算係中文大學入面較貴嘅餐廳，不過就算假日，入座率都有八成。餐廳都算大，另設有戶外座位，冇乜裝修，但環境都算舒適。-餐廳算係屬於自助形式，自己去點餐處點餐、取餐、執拾餐具，所以都冇收加一。-精選午餐 $80包括是日餐湯配蒜蓉包、主菜、餐飲。-餐湯-雜菌忌廉湯配蒜蓉包湯雖然有大量菇菌碎，但味精都唔輕，味道正常。蒜蓉包硬多過脆，不過蒜蓉味都幾濃，可惜唔夠熱。-主菜-鼠尾草煙肉焗青衣柳伴忌廉西蘭花薯蓉青衣柳灑有檸檬汁，真係好細份，得兩嚿細細嚿，勁失望，味道就正常。西蘭花切碎融入薯蓉，所以都冇咩口感，亦都食唔出西蘭花味，忌廉好濃蓋過薯蓉味，又唔算好滑，味道正常。重有伴菜，有烤茄子、西蘭花、椰菜花，車厘茄等等。整體味道正常，香料唔重，食唔到鼠尾草嘅味，但份量好少，男仔唔會夠飽，同埋唔熱，只係微暖，最大嘅問題係佢畀漏咗煙肉，食完先記得。-餐飲-熱咖啡鮮奶分開上，都係微暖，味道正常，加$4可以轉凍飲。-除咗精選午餐之外，重有其他餐牌，不過冇睇到。精選午餐亦都可以加錢叫頭盤同甜品。-整體嚟講，味道正常，食物唔夠熱。二人限聚令下環境都幾舒服。
-
餐廳算係屬於自助形式，自己去點餐處點餐、取餐、執拾餐具，所以都冇收加一。
-
精選午餐 $80
包括是日餐湯配蒜蓉包、主菜、餐飲。
-
餐湯-雜菌忌廉湯配蒜蓉包
湯雖然有大量菇菌碎，但味精都唔輕，味道正常。蒜蓉包硬多過脆，不過蒜蓉味都幾濃，可惜唔夠熱。
-
主菜-鼠尾草煙肉焗青衣柳伴忌廉西蘭花薯蓉
青衣柳灑有檸檬汁，真係好細份，得兩嚿細細嚿，勁失望，味道就正常。西蘭花切碎融入薯蓉，所以都冇咩口感，亦都食唔出西蘭花味，忌廉好濃蓋過薯蓉味，又唔算好滑，味道正常。重有伴菜，有烤茄子、西蘭花、椰菜花，車厘茄等等。整體味道正常，香料唔重，食唔到鼠尾草嘅味，但份量好少，男仔唔會夠飽，同埋唔熱，只係微暖，最大嘅問題係佢畀漏咗煙肉，食完先記得。
-
餐飲-熱咖啡
鮮奶分開上，都係微暖，味道正常，加$4可以轉凍飲。
-
除咗精選午餐之外，重有其他餐牌，不過冇睇到。精選午餐亦都可以加錢叫頭盤同甜品。
-
整體嚟講，味道正常，食物唔夠熱。二人限聚令下環境都幾舒服。
張貼
