1935 壹玖叁伍

營業中

休息中

又到happy Friday，約朋友搵間靚餐廳輕鬆吓，去中環威靈頓廣場M88嘅19樓，名為 1935壹玖叁伍，裝修頗有氣派，主打川菜、上海菜嘅中菜館，居高臨下享受美食真爽。叫幾個前菜加小菜，口水雞、夫妻肺片、千歲豆腐、川麻蔥油伴原隻日本元貝、蔥爆牛肉及乾燒蝦球。夫妻肺片係麻辣牛腱、牛肚，好入味而且都幾辣，口水雞同樣係辣菜之一，雖然辣但唔會搶咗雞本身嘅味道，而且係去骨啖啖肉好惹味。蔥爆牛肉有好多京蔥非常香口，牛肉嫩滑，醬汁濃郁。乾燒蝦球，大大隻蝦球微微辣，蝦球新鮮爽脆好好食。食飽加兩杯花鵰話梅雪糕球，酸酸甜甜有花鵰酒香，降燥解膩。