影片
更多
2022-03-23
67 瀏覽
有「東方芝士」美譽既腐乳，調味佐飯入饌一流。雖說坊間以腐乳入饌既菜式唔少，但以主打以腐乳主題、將呢種東方家常配料升格入饌中西式甚至飲品內，中環呢間火紅新店「流」Lau Bistro真係可以稱到上係全港首家。.「流」位處中環結志街，接近文青勝地PMQ同荷里活道。粉綠門面加單字「流」招牌，搶眼醒目易認。餐廳由五位有心有力熱情既壯男美女分工經營。有幸遇到幾位負責人都開朗健談，主動介紹餐廳解釋菜式，服務滿分。.內部以粉綠主調配襯復古黑白地磚，牆身掛滿由負責人朋友幫忙繪製字畫，描繪左幾位老闆「附語」成長小故事，懷舊風玩味濃，大家用餐時可以慢慢欣賞。餐廳樓高兩層，一樓係主要用餐區，二樓由Packer Leo主理，用餐、活動包場均可。.早餐 (包主食、沙津及柚子潤肺茶)🥪腐乳咸牛肉飛碟配🥙沙津 💲45⭐️3.8/5到訪當日時間係早午餐交界時份，趕得及先試一款早餐。早晨套餐以三文治飛碟餐為主，有六款不同選擇，配上新鮮沙津菜同中醫師配方柚子潤肺茶，健康豐足。餐廳推薦試下佢地招牌級腐乳咸牛肉餡飛碟，本身預期係茶記咸牛治餡但大有驚喜。餡料牛肉係用和牛同精心調配腐乳醬，鮮牛肉配上淡淡腐乳咸香，口味健康零負擔，以
.
「流」位處中環結志街，接近文青勝地PMQ同荷里活道。粉綠門面加單字「流」招牌，搶眼醒目易認。餐廳由五位有心有力熱情既壯男美女分工經營。有幸遇到幾位負責人都開朗健談，主動介紹餐廳解釋菜式，服務滿分。
.
內部以粉綠主調配襯復古黑白地磚，牆身掛滿由負責人朋友幫忙繪製字畫，描繪左幾位老闆「附語」成長小故事，懷舊風玩味濃，大家用餐時可以慢慢欣賞。餐廳樓高兩層，一樓係主要用餐區，二樓由Packer Leo主理，用餐、活動包場均可。
.
早餐 (包主食、沙津及柚子潤肺茶)
🥪腐乳咸牛肉飛碟配🥙沙津 💲45
⭐️3.8/5
到訪當日時間係早午餐交界時份，趕得及先試一款早餐。早晨套餐以三文治飛碟餐為主，有六款不同選擇，配上新鮮沙津菜同中醫師配方柚子潤肺茶，健康豐足。餐廳推薦試下佢地招牌級腐乳咸牛肉餡飛碟，本身預期係茶記咸牛治餡但大有驚喜。餡料牛肉係用和牛同精心調配腐乳醬，鮮牛肉配上淡淡腐乳咸香，口味健康零負擔，以一份醒胃早餐黎講剛好。
.
午餐 (包主食、💲10配飲品、+💲20配咖啡)
🍝椒絲腐乳卡邦尼意粉 💲98
⭐️3.8/5
午餐時段12時開始，暫有五款性價比十足既選擇。椒絲腐乳卡邦尼意粉係佢地拿手生招牌，係每檯必點項目。小塔方式呈上面鋪吸睛蛋黃，打卡首選。改用咸香「東方芝士」取代西方芝士、椒絲再配上滑滑蛋漿同Creamy卡邦尼意粉，味道毫不違和，特色之作。
.
🍛紅酒燴牛肋條 配白飯 💲68
⭐️3.7/5
紅酒燴牛肋條係少有非腐乳類別主食。油花層層分布既牛肋骨，經長時間燉煮夠腍夠入味，口感鮮嫩。紅酒汁佐飯開胃，午餐主食計算份量不少，性價比高。
.
主食
🐽焗南乳豬手 💲288
⭐️3.9/5
除左腐乳、南乳都係餐廳重點鑽研項目之一。南乳亦稱紅腐乳，表面呈紅色味道醇厚，屬腐乳一種。不走中式傳統炆豬手路線，大廚諗到用西式焗豬手製法，配上精練南乳醬汁。焗製後豬手皮脆肉嫩，呢個Fusion 版本配啤酒一絕！難怪餐廳大大力推介必試。
.
小食
🍟炸薯條配腐乳醬 💲58
⭐️3.7/5
初初以為係薯仔條原來係金黃香脆蕃薯條，唔點蕃茄汁改配腐乳醬，味道有點似微咸版沙津醬。
🍹流白 ⭐️3.9/5
🥤柚子潤肺茶 ⭐️4.2/5
餐飲係另一驚喜位。必點必試玩味十足Lau White 流白/留白！說穿了是Espresso Tonic 配腐乳醬！同大家感覺一樣，叫果下會心諗：個配搭咁奇怪，好唔好飲㗎？ 試完：原來幾得意、幾夾喎！鹹鹹酸酸加上咖啡嘅甘，味道幾得意，可以Encore
.
另一個驚喜係佢哋嘅柚子潤肺茶，負責人之一Nat特登走過來介紹話佢哋呢一隻茶係用中醫師秘方調製，係非一般養生柚子茶。用樽仔上，乾淨方便。先不論養生價值，微甜柚子口味生津解渴，非常啱飲。唔跟餐散點一枝都只係💲25，下次再經過會購入一兩支放雪櫃作清涼飲料都不錯。
.
總結：同區餐廳比較，Lau Bistro 取價非常公道，服務及食品優質有特色，性價比滿滿。期待負責人肥仔口中所講，正在鑽研中嘅腐乳甜品，推出時又要再過嚟試吓！
.
不專業食評 nei.foodie
腐乳咸牛肉飛碟
$45
9 瀏覽
0 讚好
0 留言
紅酒燴牛肋條 配白飯
$68
6 瀏覽
0 讚好
0 留言
椒絲腐乳卡邦尼意粉
$98
5 瀏覽
0 讚好
0 留言
椒絲腐乳卡邦尼意粉
$98
12 瀏覽
0 讚好
0 留言
焗南乳豬手
$288
5 瀏覽
0 讚好
0 留言
炸薯條配腐乳醬
$58
10 瀏覽
0 讚好
0 留言
Lau White
$45
8 瀏覽
0 讚好
0 留言
柚子潤肺茶
$25
3 瀏覽
0 讚好
0 留言
張貼
