影片
更多
2023-12-16
63 瀏覽
秘魯菜一直帶比人一種神秘嘅感覺🇵🇪呢間位於中環嘅秘魯菜餐廳更加係融合埋日本菜嘅fusion菜🇯🇵餐廳最近推出咗全新嘅Intoxicating Collection，令用餐時除咗味覺之外，其他感官都有嶄新嘅享受👃🏻Menu咁多選擇都心大心細👀最後就決定要呢個Please Chef Feed Me ($540 pp)嘅tasting menu，等餐廳安排啲招牌嘅菜式❤️H&M 2 (單點: $180)店員上菜嘅時候會拎埋個好復古嘅香水樽出嚟😌即席噴上少量樺樹皮香水，香水偏重木香，帶點煙燻味🔥各有四片油甘魚同吞拿魚刺身🐟伴有大蔥醬汁，檸檬啫喱🍋同埋柑橘芫荽油，醬汁加入咗buttermilk，所以會帶有啲酸味，大蔥同芫荽嘅味道就唔算突出Ceviche Aromatico (單點: $175)呢道前菜同樣配上香氛，今次則係檸檬葉香水🍋香氣清新，菜式係一款秘魯嘅醃生魚，入面係切到一粒粒嘅鱸魚🐟配上生菜、番薯粒、脆粟米粒同埋芫荽等，口感都幾豐富😙醬汁就係一款叫tiger’s milk嘅秘魯特色醬汁，係用青靈、洋蔥同埋香料等加入魚肉、魚湯製成嘅醬汁，食起嚟酸酸辣辣咁😆Eryngii Maki (單點:
Menu咁多選擇都心大心細👀最後就決定要呢個Please Chef Feed Me ($540 pp)嘅tasting menu，等餐廳安排啲招牌嘅菜式❤️
H&M 2 (單點: $180)
店員上菜嘅時候會拎埋個好復古嘅香水樽出嚟😌即席噴上少量樺樹皮香水，香水偏重木香，帶點煙燻味🔥各有四片油甘魚同吞拿魚刺身🐟伴有大蔥醬汁，檸檬啫喱🍋同埋柑橘芫荽油，醬汁加入咗buttermilk，所以會帶有啲酸味，大蔥同芫荽嘅味道就唔算突出
Ceviche Aromatico (單點: $175)
呢道前菜同樣配上香氛，今次則係檸檬葉香水🍋香氣清新，菜式係一款秘魯嘅醃生魚，入面係切到一粒粒嘅鱸魚🐟配上生菜、番薯粒、脆粟米粒同埋芫荽等，口感都幾豐富😙醬汁就係一款叫tiger’s milk嘅秘魯特色醬汁，係用青靈、洋蔥同埋香料等加入魚肉、魚湯製成嘅醬汁，食起嚟酸酸辣辣咁😆
Eryngii Maki (單點: $110)
叫得fusion菜呢度就梗係有啲日本風味啲嘅菜式，餐廳有幾款招牌卷物🍣呢一款就以烤雞髀菇同埋牛油果做餡料🥑中間亦有伴上味噌南瓜蓉，令食起上嚟冇咁單調😍
Yaki Nasu (單點: $140)
呢個係其中一款新推出嘅菜式，感覺有啲似特色嘅味噌燒茄子🍆不過呢度就用咗秘魯黑辣椒照燒汁代替，餐廳好有心機將茄子𠝹花，令到香甜嘅醬汁味道入晒落茄子肉入面😍忍唔住一啖接一啖咁食，亦都有啲菲達芝士粒係茄子同脆粟米粒上面點綴🧀紅色嘅醬汁則係一款突尼西亞蒜蓉辣椒醬，不過個人覺得本身個照燒汁已經好夠味🙈
T-3 (單點: $120)
唔好睇呢款好似普通沙律咁🥬其實入面加入咗鵪鶉蛋、原種蕃茄（特別甜同多汁架）、南瓜同埋米通脆脆🍅可以食到多種唔同嘅口感，沙律菜好新鮮，酸酸地嘅秘製醬汁非常開胃😝
Picanha “Mis Tres” (單點: $190)
終於到主菜喇😂呢款比較似秘魯式烤肉串，用上牛冧肉🐮帶少少肉味，肉質軟腍，好容易就咬得開，側邊嘅配菜都好特別，分別係煙燻粟米蓉同埋枝豆🌽粟米蓉已經打到非常綿密，味道有啲似豆蓉，底下嘅柚子醋薑泥醬汁，令到成道菜又增添左啲日式風味😛
Langosta Ahumada (單點: $480)
壓軸出場嘅主菜果然冇令我哋失望，一上台已經吸引住周圍嘅目光🤣店員拎住個極大嘅玻璃就過嚟一打開就聞到濃濃嘅橡木煙燻香味🪵等啲煙散晒之後就見到一隻好靚嘅龍蝦擺喺眼前🤩龍蝦本身已經拆晒肉同切開晒，所以完全係啖啖肉，啲煙燻香味已經入晒落蝦肉入面🤤雖然menu寫個醬汁係以黃辣椒同柚子辣椒整成，但入口完全唔辣，反而食到好重嘅蝦味🦞上面嘅紅蘿蔔絲非常爽脆，完全冇生蘿蔔嗰種草青嘅味道🥕另外亦都配上一份酸種麵包，呢個麵包又係另一個驚喜，只可以用外脆內軟來形容😍而且麵包亦都配上龍蝦汁，就算已經好飽都要食晒個包同點晒啲汁😋
My Banana (單點: $130)
呢度嘅甜品以七宗罪做主題，呢一款代表邊一宗罪…就自行想像🙈其實一見到呢款甜品嘅時候感覺有啲似香蕉船🍌比較特別嘅係雪糕係肉桂口味，底下亦都有啲蘋果金寶🍎可能有三球雪糕嘅關係，就算兩個人share都好飽🍨
Flirtini (單點: $120)
呢度嘅cocktail都分咗東京同埋尼馬兩種特色，Flirtini以清酒為基底🍶加入檸檬香橙gin酒，苦橙同埋鹽漬櫻花，入口完全唔甜，係比較成熟嘅味道🌸
Earl Grey Lemonade (單點: $60)
呢款mocktail就以士多啤梨、荔枝、伯爵茶糖漿同埋rose lemonade調製而成🍹入口偏香甜，士多啤梨味比較突出🍓
10 瀏覽
0 讚好
0 留言
6 瀏覽
0 讚好
0 留言
7 瀏覽
0 讚好
0 留言
4 瀏覽
0 讚好
0 留言
6 瀏覽
0 讚好
0 留言
5 瀏覽
0 讚好
0 留言
9 瀏覽
0 讚好
0 留言
7 瀏覽
0 讚好
0 留言
5 瀏覽
0 讚好
0 留言
4 瀏覽
0 讚好
0 留言
張貼
