鐵牛台灣牛肉麵 (翡翠中心)

營業中

休息中

中環半山扶手電梯一向係中環人既食堂之一，今次經同事介紹去左鐵牛同事介紹話飯會比麵好食，所以最後叫左個逢甲鹽酥雞滷肉便當+熱檸檬紅茶提一提，叫野食係要親自出去叫，順便比埋錢。野食一上枱就已經見到有好靚既擺盤，份量都幾大，特別係個滷肉飯，真係裝到好full，咁既價錢黎講，係中環算係唔錯。個人黎講，較少食台灣野，因為好少食啲煎炸野，但依個鹽酥雞既炸粉唔多，皮薄啲，好好食。另外，仲有3個小菜，分別係炒雜菜，蒜蓉菇，滷蛋，全部都幾好食。而滷肉飯既滷肉肥瘦適中，建議中意台灣野都可以一試。