六如

營業中

休息中

🌟燉湯是日燉湯非常足料，有羊肚菌、瑤柱、雞腳、烏雞等，暖胃補身一流!🌟口水花雕雞凍好有創意嘅配搭，花雕雞凍帶點咬口，帶有濃濃嘅花雕酒香味；口水雞醬辣得開胃，再加西瓜肉增加甜味，成個配搭清新開胃!🌟煙燻溏心蛋濃濃嘅醬香味配流心蛋黃同煙燻香，比滷蛋/茶葉蛋味道更濃! 🌟椒鹽六頭鮮鮑超大隻鮑魚! 平時食開椒鹽鮮魷，估唔到椒鹽鮑魚咁好食! 香口惹味，肉質彈牙，好推薦~🌟鮮麻椒油泡蟶子蟶子鮮味十足，加左鮮麻椒油更能提鮮!🌟手作糖山冰鎮咕嚕肉造型非常得體，冰鎮咕嚕肉食落更加脆口，肉質肥瘦適中，手作糖山固然手藝非常精緻，仲可以搣少少同咕嚕肉一齊食，增加味道層次~🌟桃膠燉手工千絲豆腐豆腐切成千絲，精緻花型好考刀功，係最精緻嘅豆腐「花」！成個甜品用料上乘，滋補養顏～🌟芒果布甸清甜解膩~仲食到粒粒芒果，食埋甜品先係完美嘅一餐!