蝦佬 (已結業)

今午完成工作後，行經中環威靈頓街近行人天橋D食肆搵野食，條街鬼死咁多人，見到間橙色二層樓高嘅嘢名叫"蝦佬''嘅，嗰名又幾搞鬼咪行入去睇吓食乜。門口嗰店員介紹招牌龍蝦湯日日新鮮煲6小時細份只20皮，咪試吓囉，另再叫份燒汁牛柳撈意大利麵54皮和加一杯熱玫瑰花檸蜜6皮，共80蚊。先講店員推介嘅龍蝦湯，湯夠熟,聞落香龍蝦味，味道也不錯，比大X樂好飲好多，近似酒店成舊水水平，所以依家20皮飲到堅底。到試牛柳撈麵，牛柳都幾滑幾多汁，撈麵加上辣汁好惹味，54皮超值。 天氣凉凉地飲杯玫瑰花蜜又幾清香。飲完食完回家之後都無口乾，呢間野值得第日返再試。