蝦佬 (已結業)

蝦佬主打以龍蝦為靈魂的菜式想試試佢呢度既龍蝦汁燴意大利粉，但唔想食蝦肉，問問店員可否轉雞肉，店員好快就話OK了，就是愛餐廳能彈性照顧客人的需要，值得加分！於午餐呢段繁忙時間都可以唔洗等位，感到很安慰~於店內堂食不用收取加一，用的是外賣即棄餐具，有點不環保阿⋯⋯雞肉龍蝦汁燴意大利粉連餐飲 $56雞肉是雞胸肉，雖然口感較粗糙但我很喜歡~因為是低脂之選麻，嘻嘻~意粉軟硬適中，扁意粉正合我心意，因我喜歡較粗而且有咬口的麵條。醬汁挺濃郁龍蝦湯味的，加了忌廉食落更creamy，但食到底會感到油油的有一點點膩。見到佢有個逆市震撼價超抵午餐，的確有震撼到我了！下次黎試埋佢！

朋友話食蝦佬，我以為佢搞 gag ，點知原來間餐廳真係叫蝦佬。佢間餐廳其實似係一個外賣鋪頭，好細間，原來內有乾坤，係可以喺側邊上樓梯上一層有位坐，同朋友坐到兩點都唔會爆，你知依啲 free seating 最麻煩尷尬係有人企係你側邊望住你食等你個位。講返啲野食，五十幾蚊有野飲有個盒，不錯。 我叫左個大蝦飯，三隻大蝦好彈牙好新鮮，啲青豆都好味，其實我想講成個飯都好好食，個問題係食完喺個底度我先驚，係成層油係個底度。佢嘅味道好濃，就咁食飯冇料送飯都夠味，咁我就知肯定賴嘢，果不其然，成個下晝勁頸渴，我飲左差唔多三四杯水，都仲係覺得好「確」。 除餐附送嘅熱薑水就不錯，清淡之選。朋友叫嘅天使面，唔好俾佢清淡嘅外表同埋好多 veggie 呃到，同樣都係重口味。 總括嚟講，健康同好食不嬲都背道而馳，睇你想點揀。

公司附近前陣子開了一家新食店，每次經過都有店員派傳單招徠，店名「蝦佬」明顯玩食字，其實主打龍蝦湯，小妹我前後試過兩次，但感覺食物水準一般般。龍蝦汁相關食物做得比較好，其他可以不用試。付款後，拿著收據就可以到二樓找座位，餐點完成後，店員會專人送上二樓。不過堂食也是用外賣餐具，方便但不環保。味道方面，第一次試的是黑松露炸雞意粉，配芒果特飲（+$12）。芒果特飲是普通芒果味蘇打，是想像中的味道。意粉配菜是翠玉瓜和豆角，炸雞粉漿厚，不脆而且濕𣲷𣲷。除了有淡淡黑松露味道外，基本上意粉沒有味道，我會形容為好難食，沒下次！但當時偷聽到隔壁桌對話，竟然說龍蝦飯味道有驚喜，難道因為我吃的不是主打菜，所以水準才這麼差？於是隔了好幾天，再給一次機會，又來到蝦佬食午餐。經過上次經驗，這次選擇了龍蝦汁燴雞 配龍蝦味飯。配菜同樣是翠玉瓜和豆角，但龍蝦汁飯比之前的黑松露意粉好多了，口感和味道有點像用罐頭龍蝦湯而製的Risotto，起碼叫做有味道。炸雞和上次一樣不脆，外皮濕𣲷𣲷。雖然味道不行，其實蝦佬都有其優點，比如可以WhatsApp 落單外賣，登記會員可以存積分，偶爾會有會員價。另外，每款食物都會配有蔬菜，感覺上

咁啱經過，想試新野，聽聞呢間灣仔係原店，之後進駐中環個度可以地下買完，樓上坐低食，但想快啲番公司做野，決定叫外賣叫咗龍蝦意粉，跟餐連飲品，另外加咗個花膠龍蝦湯真係有好大舊花膠，仲好淋，幾好味。不過成個湯好杰，我唔識分係獻定係乜意粉質地幾好，但相對較細份，女仔都夠飽

中環食lunch時間度度都排哂長龍見到lie間門口有人派傳單話樓上有位坐就去試下點之係伏黎ge!咁樣一個意粉加杯野飲盛惠63蚊唔算好貴 但又唔係平主要係 真心好難食唔知係咪廚師唔記得落鹽😂D意粉淡到一個點見到桌上有調味品 我已經咩都落哂都係怪怪地...公道講句 炸雞係ok ge 下面d翠玉瓜都可接受但意粉堅係難食！我已經放棄咗～隔離杯野飲跟餐只係加6蚊 我都無猶豫就加咗好彩我有加如果唔係lunch只係食幾件炸雞同翠玉瓜我真係唔飽

叫咗外賣12:45送嚟，但最後1:30先到⋯⋯做唔切應該唔好接order，而唔係叫人下次早啲叫⋯⋯啲嘢不過不失，個龍蝦湯幾好味，不過撈麵好油。但都係嗰句，等lunch等咗45分鐘真係好過份。

中環其實好多人都係買外賣返公司食既見到有人派傳單就走過去睇下啦原來係食龍蝦"汁"既食物既去到企左好耐都諗唔到食咩，因為好多都想試之後店員比左個suggestion，話呢個焗龍蝦汁豬扒飯就最快咁我就叫左個黎試下啦舊扒真係幾大塊架，而且一d都唔"鞋"，okay既唔錯個飯都唔錯，最鐘意有個蕃茄，食完都開胃曬$54貴唔貴就見仁見智啦，但就真係得一盒飯，無飲品其實呢間野樓上都有座位，所以就算唔想拎返公司食，都可以上去食當然啦，座位就有限既，不過都算坐得舒服同埋當時都多人食既

朝早10點半whats app落單，佢地話可以一點正送到，等到搭2都未到，打電話去話3分鐘內到，23分話外賣20分鐘前已經行咗，心諗：20分鐘前？即係一點先起行1點25分都仲話嚟緊 同佢講如果點半都仲唔到就唔要啦 (大佬丫 我地都要食飯架)點半個外賣終於到 態度仲要非常差不停地話：投訴我公司我送外賣架咋！起碼講咗10次黎到既食物已經凍晒要自己再叮過凍野變熱野Whats app返佢地話個外賣同事態度非常差仲要已讀不回Sorry 以後都唔會再光顧

1. The rice is really flavored with lobster sauce which is very delicious. Portion is generous too.2. Diced beef is hot, tender and juicy. There was more beef than expected for just HKD$34 (afternoon tea menu).3. However, the zucchini was a bit disappointing. It tasted good, but quite cold, not even at room temperature.4. The lobster bisque was fair. It’s quite oily indeed, as you can see that there is a layer of oil on top.5. Hello Lobster uses disposable eating utensils.  I hope they can repla

今午完成工作後，行經中環威靈頓街近行人天橋D食肆搵野食，條街鬼死咁多人，見到間橙色二層樓高嘅嘢名叫"蝦佬''嘅，嗰名又幾搞鬼咪行入去睇吓食乜。門口嗰店員介紹招牌龍蝦湯日日新鮮煲6小時細份只20皮，咪試吓囉，另再叫份燒汁牛柳撈意大利麵54皮和加一杯熱玫瑰花檸蜜6皮，共80蚊。先講店員推介嘅龍蝦湯，湯夠熟,聞落香龍蝦味，味道也不錯，比大X樂好飲好多，近似酒店成舊水水平，所以依家20皮飲到堅底。到試牛柳撈麵，牛柳都幾滑幾多汁，撈麵加上辣汁好惹味，54皮超值。 天氣凉凉地飲杯玫瑰花蜜又幾清香。飲完食完回家之後都無口乾，呢間野值得第日返再試。

我本身幾中意飲龍蝦湯，食親西式野有得叫實會叫碗飲下，今日經過外賣咗個龍蝦湯同個意粉，意粉味道還可以，但最驚喜係個龍蝦湯，價錢唔貴但味道十足，夠濃郁，比一般餐廳用料講究，值得再飲。位置嚟講唔算太難揾，不過可能因為舖頭唔算大，無咩位座，基本都要外賣拎走，不過d野食拎到返去食又唔會話變成點，其他原來同事都有食過，大家都覺得可以再食，期待會唔會有更多關於龍蝦產品推出，覺得可以主打龍蝦野食會更吸引，總體嚟講唔錯。

之前行過見到餐牌價錢唔算貴，就同同事一齊去食lunch。中上環食lunch好多時要等位，店員叫我地先落單，佢會上樓上留位俾我地。我買左個$56龍蝦汁燴雞肉意粉加龍蝦湯，然後上樓等左一陣，店員就送上食物。龍蝦汁燴雞肉意粉有好多汁，餸份量都夠多，最欣賞佢有幾件翠玉瓜，唔係淨係得肉。龍蝦湯都幾大碗，夠濃味，唔會太鹹，但食完個意粉已經好飽，所以飲唔曬個湯。

忙咗幾個月,無得出去食Lunch嘅日子終於完咗~今日出去發現好多店舖都唔同咗~行過見到呢間蝦佬~我又好鐘意食蝦~咪入去試吓囉~門面好細,但堂食可以上樓上我叫咗 燴雞龍蝦味飯同花膠龍蝦湯賣相唔靚....老實講好難食啲雞同佢啲汁完全唔夾雞肉好似煲雞湯煲咗好耐嘅湯料咁無味之餘仲鞋烚烚花膠龍蝦湯難飲到極點....唔理個花膠係平嘢定貴嘢,總之用一朵鮮花插在牛糞上嚟形容極度懷疑廚師根本無試過好唔好食七十幾蚊,其實係食佢個唔知係咪用龍蝦煮嘅汁同湯但味道好差....龍蝦肉都無粒,咁難飲....係咪真係用龍蝦嚟淆都唔知~

今曰經過呢間橙色小店，被佢既宣傳單吸引咗，花膠龍蝦湯做宣傳，現賣38元，呢個價錢係幾吸引，去超市買罐頭龍蝦湯最少都60蚊啦，咁啱又唔係太肚餓，所以入去買咗碗湯試試! 另外叫咗杯熱情果特飲，因為本身囗渴想飲野，又驚飲完碗湯更囗渴😅。係無乜大期望下，碗龍蝦湯係有驚喜既！湯底本身夠濃郁同鮮味，唔係味精湯(本人對味精有敏感)花膠有囗感唔錯，份量亦好夠，係一間有誠意既小店，水準亦係超出預期，呢個價錢係抵飲，值得推介!

一直想試下但因為冇得堂食，唯有等到foodpandx有得order先試啦。睇人地食評話個湯好味，飯冇味。為左穩陣起見，我地叫左咖哩牛腩配蝦飯。湯係重蝦味既，不過又唔算話超級好飲。反而個咖哩有驚喜，好好味，而且伴碟既翠肉瓜都炒得好爽好入味，好難得唔係白酌翠肉瓜。個飯又真係淡既，不過好乾身，用黎撈咖哩剛剛好。食晒個飯但飲唔晒個湯，因為個湯好膩。