影片
更多
2025-02-05
208 瀏覽
今日喺中環行街，喺威靈頓街發現左一間主打由廚師發辦嘅日式海鮮丼飯店！店舖內部唔太大，但乾淨企理，有吧台可以睇到師傅精心咁準備唔同嘅魚生，仲配有柔和嘅純音樂，環境好舒適。我地叫左海言廚師發辦魚生飯（特上）同埋江戶前散壽司（特上）呢兩款定食，每款定食都附沙律，茶碗蒸同麵豉湯。一開始會先送上沙律同茶碗蒸。沙律蔬菜非常新鮮配有酸酸甜甜嘅醬汁，非常開胃。茶碗蒸亦非常出色，好滑！之後就送上主菜！- 海言廚師發辦魚生飯（特上）由廚師發辦，選擇時令的海鮮，大約有十幾種魚生，有三文魚籽、海膽、毛蟹、中拖、大拖、金線鯛魚、蝦、鯖魚等等，仲有季節限定嘅螢光魷魚、白子，海鮮丼內容十分豐富，賣相吸引。店員都好細心介紹，建議從鮮入燒，順時針從海膽三文魚子開始，到豐富油脂嘅燒魚。海膽好creamy, 好鮮！每種嘅刺身都好特別，廚師亦因應唔同食材有唔同嘅處理方法，每件魚件都逐一調味，有d配酸汁，有d以鹽水，醋醃漬，再配薑蔥蓉食用。甜蝦仲加左自家製嘅蝦膏蝦殼汁，非常鮮！- 江戶前散壽司（特上）江戶前散壽司比較傳統，用方形漆盒作器具。最大嘅分別嘅係在於米飯，除左加醋調味，另外仲有拌薑、冬瓜乾、豉油、芝麻、紫菜等等，飯底味
我地叫左海言廚師發辦魚生飯（特上）同埋江戶前散壽司（特上）呢兩款定食，每款定食都附沙律，茶碗蒸同麵豉湯。一開始會先送上沙律同茶碗蒸。沙律蔬菜非常新鮮配有酸酸甜甜嘅醬汁，非常開胃。茶碗蒸亦非常出色，好滑！
之後就送上主菜！
- 海言廚師發辦魚生飯（特上）
由廚師發辦，選擇時令的海鮮，大約有十幾種魚生，有三文魚籽、海膽、毛蟹、中拖、大拖、金線鯛魚、蝦、鯖魚等等，仲有季節限定嘅螢光魷魚、白子，海鮮丼內容十分豐富，賣相吸引。店員都好細心介紹，建議從鮮入燒，順時針從海膽三文魚子開始，到豐富油脂嘅燒魚。海膽好creamy, 好鮮！每種嘅刺身都好特別，廚師亦因應唔同食材有唔同嘅處理方法，每件魚件都逐一調味，有d配酸汁，有d以鹽水，醋醃漬，再配薑蔥蓉食用。甜蝦仲加左自家製嘅蝦膏蝦殼汁，非常鮮！
- 江戶前散壽司（特上）
江戶前散壽司比較傳統，用方形漆盒作器具。最大嘅分別嘅係在於米飯，除左加醋調味，另外仲有拌薑、冬瓜乾、豉油、芝麻、紫菜等等，飯底味道非常豐富。除左海鮮之外，仲有比較傳統嘅玉子、腐皮、漬物等等。
食完主食之後，仲奉上櫻花蝦麵豉湯，清甜好鮮，入完暖粒粒，系一個好好嘅收尾。
張貼
