影片
更多
2023-12-31
28 瀏覽
💡中環新派特色閩菜小編近日見冬天，約朋友喺中環收工食飯，思前想後，朋友見天氣微涼，想食中菜比較暖身滋補，於是到IFC既中環4口，新派閩菜，主打小清新，出品精緻。🍲入到餐廳，店舖格局長且深，有卡位﹑吧檯﹑長枱供選擇，坐落非常闊落。👍🏻🍽️松仁薑蓉菠菜平日食菠菜最怕苦澀，但朋友想食當然奉陪到底。菠菜出奇地清爽，可以話完全無苦澀味，唔「鞋口」。相信廚房選用菠菜苖，用灼既方式去除會帶來不良口感既草酸，加上溫補既薑蓉壓低菠菜寒涼既特性，配上品質良好既松仁一齊送入口，仲會好清晰咁呷到松仁清香添。🍽️臘味雞肉捲冬天又點可以唔食臘味呢？呢道菜以涼拌處理，雞肉包捲住臘腸再打橫切片成數塊。雞肉口感爽實，臘腸偏甜，蘸上紅紅既「辣」油，食慾大增。但原來驚喜在後頭，「辣」油屬於辣香但甜口，入口甜潤，完全吊出雞肉捲既臘腸香氣同滋味，設計有心機又和味！🍽️姬松茸竹蓀排骨湯天氣涼，當然要飲啖湯，以六十蚊唔洗既價錢而言，餐廳用料非常大方，大量姬松茸排骨煲出嚟既湯，香氣不同凡響，一啖入口，暖在心頭，配埋增添口感既竹蓀，排骨煲得夠耐，一吮就離骨，係碗令人飲得好舒服既湯水。🍽️砂煲豆醬焗黃魚餐廳本身都有供應黃魚既菜式，但時令菜單上有
小編近日見冬天，約朋友喺中環收工食飯，思前想後，朋友見天氣微涼，想食中菜比較暖身滋補，於是到IFC既中環4口，新派閩菜，主打小清新，出品精緻。🍲
入到餐廳，店舖格局長且深，有卡位﹑吧檯﹑長枱供選擇，坐落非常闊落。👍🏻
🍽️松仁薑蓉菠菜
平日食菠菜最怕苦澀，但朋友想食當然奉陪到底。菠菜出奇地清爽，可以話完全無苦澀味，唔「鞋口」。相信廚房選用菠菜苖，用灼既方式去除會帶來不良口感既草酸，加上溫補既薑蓉壓低菠菜寒涼既特性，配上品質良好既松仁一齊送入口，仲會好清晰咁呷到松仁清香添。
🍽️臘味雞肉捲
冬天又點可以唔食臘味呢？呢道菜以涼拌處理，雞肉包捲住臘腸再打橫切片成數塊。雞肉口感爽實，臘腸偏甜，蘸上紅紅既「辣」油，食慾大增。但原來驚喜在後頭，「辣」油屬於辣香但甜口，入口甜潤，完全吊出雞肉捲既臘腸香氣同滋味，設計有心機又和味！
🍽️姬松茸竹蓀排骨湯
天氣涼，當然要飲啖湯，以六十蚊唔洗既價錢而言，餐廳用料非常大方，大量姬松茸排骨煲出嚟既湯，香氣不同凡響，一啖入口，暖在心頭，配埋增添口感既竹蓀，排骨煲得夠耐，一吮就離骨，係碗令人飲得好舒服既湯水。
🍽️砂煲豆醬焗黃魚
餐廳本身都有供應黃魚既菜式，但時令菜單上有砂煲豆醬焗黃魚。小編諗起嗰種鹹香味馬上勸說朋友order。果然上菜既，侍應問准開蓋後，果然飄香四處，小編忍唔到馬上夾咗蒜頭嚟食，焗到口感綿綿，如果識食之人一定唔可以放過。主角黃魚完全舖展喺砂窩之中，豆醬既香氣令人食慾大開，黃魚肉質細緻，夾一梳黃魚肉，配上一丁豆醬，再叫一碗白飯，係屬於冬天既享受。
🍽️蒜香煎帶子
本來帶子一年四季都可以食到，但好奇佢點解會喺時令菜單上出現，於是都叫咗一份嚟試下。原來係配上冬天溫補既黑蒜﹑補氣既淮山﹑仲有營養豐富既菇菌一齊，集齊唔同口感，健康得嚟又有營養。
🍽️高湯燜炒純米粉
呢到既米粉係「純米粉」，比日常食到既更幼又索味。配料有剝好殼既蝦﹑蜆﹑肉乾﹑豆卜﹑香炸花生﹑炸紫菜碎﹑仲有蘿蔔絲菜絲。隨米粉送上既仲有一碟酸辣汁，非常惹味開胃。
張貼
