Bistronomique Staunton (已結業)

這夜和朋友到中環史丹頓街吃法國菜,在餐廳經理推薦下, 㸃選了幾道較特別的菜式，加埋杯法國紅酒 Burgundy, 零舍滿足。黑松露波菜春卷:春卷的皮又薄又脆, 松露芳香,不油不膩, 如果有十隻喺度，可能都會比我一下子食晒！黑松露面包糠牛⻣髓:估唔到用匙括出来的骨髓有咁大舊, 啫喱狀的骨髓入口即溶，隨著混合了黑松露的面包糠又延續了它停留在口腔內的時間, 牛的香酥味陣陣滲出, 好有營養呀！龍蝦汁海鮮湯:成條石斑巳焗至燻黑, 內裏肉質卻仍鮮甜滑溜, 青口和尤鱼也一樣, 湯的味道更是一流, 除了喝到龍蝦和海鮮的鲜味, 也有些牛油的味道,真想自己回家試下覆制!!椰子芒果雪糕:味道同顔色都令人想起小時候常吃的椰子糖, 重有椰絲,  雪糕輕輕飄散芒果香, 再吃椰子旦糕上的啫喱狀物體時, 即時由非常甜蜜的狀態轉變為酸溜溜的味道, 這個帶酸的小芒果肉做成的反差令到味覺即時豐富起來! 好嘢！