日日香鵝肉飯店 (威靈頓街)

營業中

休息中

今日午餐同朋友去食飯突然間想食滷水飯，咁啱見到唔使點排隊我哋就決定入去食，去餐廳原來都幾大有好多座位所以唔使點等位就入到去，而且佢哋點完餐之後啲嘢食都好快就上枱。今次叫咗一個滷水豬手瀨粉，因為真係好耐冇食過瀨粉👀佢嘅瀨粉都非常之好食，彈牙之餘又唔會覺得係好粉，再加埋啲豬手滷水汁，撈埋一齊食非常惹味，但係又唔會講得好鹹好濃味！朋友就叫咗一個滷水鵝肉瀨粉，我哋兩個都好認同佢嘅瀨粉都好好食，彈牙得來又爽口，佢嘅滷水鵝肉都非常入味，好香滷水味又夠曬入味，佢除咗我入之外都仲有其他餸菜例如滷水扎肉和滷水雞蛋等等，午餐來講都幾豐富！