影片
更多
2009-06-08
13 瀏覽
話說上周六，終於「的起心肝」去試吓Shake'em Buns 究竟係咪傳說中咁正。的確係要「的起心肝」先會去幫襯，因為呢間石板街上平平無奇嘅漢堡店，價錢都幾貴吓。最基本的"Crushin for the Pushin"芝士漢堡，單價$58；汽水薯條全部另費，一罐可樂賣$18，食埋芝士薯條的話，一張紅衫魚咁就「食」咗落肚。雖然唔係食唔起，不過呢個價位食快餐食物，用餐環境又唔係酒店級，過唔到我自己心理關口。好幾次午飯時間，最終我都係過門而不入。上周六豁出去要咗個飽，見雪櫃有罐裝汽水同Mountain Dew，心諗$18就$18啦。點知原來一罐Mountain Dew索價$25，心諗「呢 間 嘢 真 係 癡 x 咗 線」，即刻同個收銀講我唔飲喇。兩點鐘店內客人半滿，漢堡即點即製，數分鐘就有得食。其實漢堡未送來已能預期會是何模樣，因為麵飽早就切好放在料理檯上，已煎好的漢堡扒就在鐵板上一直煎著。相比同區漢堡列強，此店的麵飽的確比較大，而且微微煎/烤過後麵飽有點香脆，會比較適合愛吃硬身麵飽的人。主角漢堡扒份量反而唔大，比同區Monster Burger或Pro Burger的份量稍細。Openri
的確係要「的起心肝」先會去幫襯，因為呢間石板街上平平無奇嘅漢堡店，價錢都幾貴吓。
最基本的"Crushin for the Pushin"芝士漢堡，單價$58；汽水薯條全部另費，一罐可樂賣$18，食埋芝士薯條的話，一張紅衫魚咁就「食」咗落肚。
雖然唔係食唔起，不過呢個價位食快餐食物，用餐環境又唔係酒店級，過唔到我自己心理關口。好幾次午飯時間，最終我都係過門而不入。
上周六豁出去要咗個飽，見雪櫃有罐裝汽水同Mountain Dew，心諗$18就$18啦。點知原來一罐Mountain Dew索價$25，心諗「呢 間 嘢 真 係 癡 x 咗 線」，即刻同個收銀講我唔飲喇。
兩點鐘店內客人半滿，漢堡即點即製，數分鐘就有得食。其實漢堡未送來已能預期會是何模樣，因為麵飽早就切好放在料理檯上，已煎好的漢堡扒就在鐵板上一直煎著。
相比同區漢堡列強，此店的麵飽的確比較大，而且微微煎/烤過後麵飽有點香脆，會比較適合愛吃硬身麵飽的人。
主角漢堡扒份量反而唔大，比同區Monster Burger或Pro Burger的份量稍細。Openrice內的食評都說這裡的扒「有肉味」、「多汁」，嗯...好有保留，其實佢哋會唔會誤會咗溶化中嘅芝士與沙律醬係肉汁呢...
牛肉味唔算濃，肉質因為煎得全熟而稍為「嚡」口，一邊食還會鬆散變碎成肉粒，$58一個飽，合理期望唔係咁樣。
生菜蕃茄老實講都係好一般而已；同區同級的Burger Republic，選用的材料，明顯比這裡新鮮爽脆太多。此漢堡的生菜係掉出來都唔覺可惜那種，又係果句，$58一個飽，理應做得更好。
要讚的是芝士與沙律醬份量跟味道與整個飽都幾夾，尤其是麵飽本身較乾硬，醬汁正好補充口感。
不過也許是漢堡扒本身肉味不足，芝士也不是濃味路線，整個漢堡吃下去比較平淡。其實檯上擺放著四種不同味道的tabasco、芥茉和茄汁等，隨個人口味加上特辣辣汁後，好味得多了。
用餐環境是普通的漢堡店格局，開放式廚房抽風系統算不錯，用餐後都不會成身油煙味。
吃過這人氣店後，中環漢堡飽店列強我大概都幫襯過了。Shake'em Buns的漢堡飽，只屬一般質素而已，賣這個價錢，不屬值得專程再次幫襯的餐廳。
張貼
