影片
更多
2022-09-25
1431 瀏覽
星期五晚放工喺尖沙咀搭船過中環散下心，到埗後就被好香嘅炸雞味所吸引，味道原來係來自「CHIMAC」，估唔到碼頭都有正嘢食😝。收銀處同廚房喺一邊，對面就係堂食區，但座位就唔多。只可惜餐廳閂八點半(比較早)，我哋八點三去到都只可以外賣🥡。不過包裝盒好靚，而且穩陣妥當，並用上錫紙保溫。炸雞即叫即炸🍗，需時約十分鐘，原本諗住搭的士返去先食，但食咗一件又脆又多汁，就忍唔住喺碼頭將佢哋K.O.，享受原汁原味，而且好彩天氣涼咗好多。洋蔥芝士原隻炸雞($128/全隻)，原隻炸雞有成十幾件，先賣百三蚊，其實超抵囉👍，皆因出面半份都唔止呢個價。炸雞好掂，炸漿薄脆，一啲都唔油膩，並同雞肉緊貼，而且肉質亦唔錯，絕對唔係嗰啲無味無質感嘅雪肉(即係M炸雞)。🧀洋蔥芝士味道清爽，調味主材係附有洋蔥味嘅芝士粉，略帶鹹香。蜂蜜焦糖炸雞腿肉($58/細份)，如果唔鍾意食骨的話，無骨炸雞腿肉就幫到你。餐牌寫細份有八件，但原來底部仲墊有薯條添🍟，雙重滋味。雞腿肉大大粒，唔係得層硬皮，肉身白𠽌𠽌，非常嫩滑。🍯蜂蜜焦糖口味勁正，我好鍾意食甜味，但唔同餐廳嘅配方各異，有啲太甜或杰撻撻。不過呢度嘅出品恰到好處，唔會太濕，再加埋焦糖香
星期五晚放工喺尖沙咀搭船過中環散下心，到埗後就被好香嘅炸雞味所吸引，味道原來係來自「CHIMAC」，估唔到碼頭都有正嘢食😝。
收銀處同廚房喺一邊，對面就係堂食區，但座位就唔多。只可惜餐廳閂八點半(比較早)，我哋八點三去到都只可以外賣🥡。不過包裝盒好靚，而且穩陣妥當，並用上錫紙保溫。
炸雞即叫即炸🍗，需時約十分鐘，原本諗住搭的士返去先食，但食咗一件又脆又多汁，就忍唔住喺碼頭將佢哋K.O.，享受原汁原味，而且好彩天氣涼咗好多。
洋蔥芝士原隻炸雞
$128
55 瀏覽
0 讚好
0 留言
洋蔥芝士原隻炸雞($128/全隻)，原隻炸雞有成十幾件，先賣百三蚊，其實超抵囉👍，皆因出面半份都唔止呢個價。炸雞好掂，炸漿薄脆，一啲都唔油膩，並同雞肉緊貼，而且肉質亦唔錯，絕對唔係嗰啲無味無質感嘅雪肉(即係M炸雞)。🧀洋蔥芝士味道清爽，調味主材係附有洋蔥味嘅芝士粉，略帶鹹香。
蜂蜜焦糖炸雞腿肉
$58
35 瀏覽
0 讚好
0 留言
蜂蜜焦糖炸雞腿肉($58/細份)，如果唔鍾意食骨的話，無骨炸雞腿肉就幫到你。餐牌寫細份有八件，但原來底部仲墊有薯條添🍟，雙重滋味。雞腿肉大大粒，唔係得層硬皮，肉身白𠽌𠽌，非常嫩滑。🍯蜂蜜焦糖口味勁正，我好鍾意食甜味，但唔同餐廳嘅配方各異，有啲太甜或杰撻撻。不過呢度嘅出品恰到好處，唔會太濕，再加埋焦糖香，份外惹味。
泡菜五花肉飯($18/套餐)，炸雞可以加錢升級做套餐，包前菜酸蘿蔔粒、罐裝汽水同一份迷你主食🍚。餐牌寫炒豬肉飯，點知出到嚟係泡菜五花肉飯🙈，但味道都OK嘅，泡菜夠酸夠辣，好開胃。飯用上珍珠米，口感幾軟熟。
總括嚟講，🐔第一次食CHIMAC炸雞絕對令我哋喜出望外，開頭見平平哋就試吓，但竟然咁好食，佢嘅蜂蜜焦糖味更係一試難忘，我認為直頭係香港頭三甲，出色過唔少過江龍店💯！題外話，餐廳店員好有禮貌，抵讚。
張貼
