Moodie Wine & Dine

營業中

休息中

今日放工之後同朋友一齊去咗中環一間西班牙餐廳--Moodie Wine & Dine食晚餐。呢間餐廳真係好正，裝潢非常有格調，內部採用現代摩登嘅設計，有兩層，仲有一條優雅嘅旋轉樓梯連接住，讓人一坐低就已經感受到高級嘅氣氛。🔶法式藍芝士煮藍青口配薯條：青口嘅份量真係好多，每一隻都非常飽滿，咬落去非常彈牙，充滿鮮味。藍芝士嘅濃郁味道同青口嘅鮮味完美結合，成個口感非常豐富。呢度菜仲配薯條另上，新鮮即炸，外脆內軟，配埋青口嘅芝士汁，一啖咬落去，真係香到無得頂。🔶西班牙海鮮飯呢個海鮮飯真係色香味俱全，飯上面佈滿咗非常新鮮嘅海蝦、魷魚同青口。米粒分明，軟硬適中，而且每粒米都吸足咗濃濃嘅海鮮汁，鹹香帶鮮。海鮮食材鮮甜無比，同米飯嘅配搭真係非常正。🔶自家製提拉米蘇夢幻雪糕配特濃咖啡啫喱自家製提拉米蘇夢幻雪糕真係回味無窮。雪糕舖滿咗厚厚嘅可可粉，入口有一層薄薄嘅cream，好似真嘅Tiramisu咁，讓人一試就愛上。另外仲附送一小杯香濃嘅Espresso，比你可以淋上雪糕，咖啡味香氣四溢，濃而不苦，增添咗層次感。細細粒嘅咖啡啫喱亦係一大亮點，增加咗口感咁多變，使呢個甜品更加令人難忘。