北冰洋

營業中

休息中

呢間位於中環嘅兩餸飯一到lunch時間就大排長龍，價錢好抵，菜式方面款式好多，每日都有不同款式，打工仔必備，晚市5點後加＄5可配樽仔飲品或任何飲品，無糖蜂蜜鮮檸檬水，無糖金羅漢果雪梨茶，都係無添加防腐劑。是日甜品桂圓紅棗桃膠杞子見到佢好足料，我就加左$15，味道清甜，紅棗軟糯，桃膠煙韌爽口，養顏一流。肉飯入口嫩滑唔乾，西蘭花翠綠爽脆，咕嚕肉啖啖肉，入口酸酸甜甜，魚香茄子好入味，醬汁用黎送餸一流，勝瓜清甜無渣，糖醋排骨酸甜開胃。