燒烤堂

營業中

休息中

講到食燒烤CP值最高當然係燒烤堂！就算係中環都可以以平民價值食到高質燒烤！次次嚟到都必食佢哋嘅燒海鮮，蒜蓉燒生蠔入口鮮味而價錢又抵食，欖角蒜蓉粉絲燒蟶子口感夠爽口彈牙，再配粉絲更juicy! 蒜香牛油酒煮蜆成鍋咁上，啲蜆超大超飽滿講到每次都必食鹽燒原塊雞皮，香脆又唔油膩，脆卜卜超好食，作為莞茜fans, 次次都食麻辣豚肉莞茜卷，辣度夠辣，而莞茜夠香，值得一試！尖椒皮蛋豆皮尖椒味都幾濃，豆皮嚟曬好入味！豚肉節瓜波板糖（附月見)食落好juicy, 加蛋更嫩滑~雞皮墨魚滑其實幾特別，用薄雞皮包住墨魚滑，外脆內軟咁！除串燒佢地鰻鱼炒飯好出色， 鑊氣好夠又夠香，鰻魚加埋落炒飯，好豐富！平時鐘意去燒烤堂係款式多，味道多，而且價錢又平民！CP值極高~