筷子記

營業中

休息中

筷子記係中環都開左好耐啦, 而家疫情下依然站得住陣腳! 終於開番晚市堂食, 可以食番依個平民恩物做晚餐啦! 3/4餸麵真係好抵, 40蚊有找, 唔好話中環, 係其他區都唔係咁易搵到! 今次叫左青春魚肉腐皮卷, 辣咖哩魚蛋同埋即炸豬扒招牌豉油撈油麵, 招牌豉油汁甜甜地, 配油麵不錯。咁多款餸入面CP值最高既就覺得係即炸豬扒, 雖然係要加$15, 但係豬扒又大塊又厚身, 而且唔會炸到乾爭爭, 食落幾香口! 羅漢果茶因為食撈麵都幾重口味, 所以食完飲番杯羅漢果茶感覺好舒服, 清清地又健康。