影片
更多
2024-06-05
25 瀏覽
Chutney一開始會上一款叫chutney嘅餐前小食，即係餐廳個名🤣佢係一片片有胡椒嘅薄脆片，配住3款唔同嘅醬汁食。個人偏愛pineapple，黃色嗰個醬多啲~~Tandoor Octopus 好大條八爪魚腳，但煮得好好，食落一啲都唔韌，而且都幾鮮味，就算無乜加特別嘅調味都幾好食Keema Pav原本係見op張相幾吸引先叫，但真係好驚喜。個包外面好香脆，但入面超軟熟，加上羊肉醬真係味道同口感都滿分，下次必定再encore！！Old Delhi Butter Chicken牛油咖哩雞好似係好多印度餐廳都會見到嘅菜式之一。咧間餐廳嘅咖哩雞都幾有水準，咖哩香得嚟有少少甜味，同埋啲雞肉都好大塊Achari Beef Short Rib牛小排配masala都唔錯。牛小排比較多肉，但中間都有夾雜啲肥肉，令到食落更加香口。而且masala嘅調味料豐富，淨係上檯嗰下都已經聞到好香Garlic Naan平時好少食garlic naan，今次試過真係返唔到轉頭。佢個面搽滿蒜油，焗熱咗之後上檯嘅時候，陣蒜香味已經飄緊埋嚟，而且外面少少脆，入面軟熟，配埋咖哩或者masala簡直一流Plain Naan咧個係
一開始會上一款叫chutney嘅餐前小食，即係餐廳個名🤣佢係一片片有胡椒嘅薄脆片，配住3款唔同嘅醬汁食。個人偏愛pineapple，黃色嗰個醬多啲~~
Tandoor Octopus
好大條八爪魚腳，但煮得好好，食落一啲都唔韌，而且都幾鮮味，就算無乜加特別嘅調味都幾好食
Keema Pav
原本係見op張相幾吸引先叫，但真係好驚喜。個包外面好香脆，但入面超軟熟，加上羊肉醬真係味道同口感都滿分，下次必定再encore！！
Old Delhi Butter Chicken
牛油咖哩雞好似係好多印度餐廳都會見到嘅菜式之一。咧間餐廳嘅咖哩雞都幾有水準，咖哩香得嚟有少少甜味，同埋啲雞肉都好大塊
Achari Beef Short Rib
牛小排配masala都唔錯。牛小排比較多肉，但中間都有夾雜啲肥肉，令到食落更加香口。而且masala嘅調味料豐富，淨係上檯嗰下都已經聞到好香
Garlic Naan
平時好少食garlic naan，今次試過真係返唔到轉頭。佢個面搽滿蒜油，焗熱咗之後上檯嘅時候，陣蒜香味已經飄緊埋嚟，而且外面少少脆，入面軟熟，配埋咖哩或者masala簡直一流
Plain Naan
咧個係原味無額外調料嘅naan，如果怕牛油或者蒜油太肥可以叫咧款。同樣外面香脆入面軟熟，仲有兩款naan嘅份量都好大，原本仲驚兩個人淨係食naan會唔夠飽，但原來係多慮了，根本係會食唔曬🥲 佢個大小同份量同2個普通批差唔多。如果唔係大食嘅可以問下有無得細份啲
Passionate Fruit Coconut Cake
是日甜品係熱情果椰子蛋糕，本身已經好飽嘅我試過之後都忍唔住食多幾啖。外面層幕絲好幼滑，入面有熱情果幕絲，酸酸甜甜好開胃。另外個底仲有啲椰絲，口感🆙️🆙️
Lassi
聽講咧個係印度特有嘅飲料，係用唔同熱帶水果加乳酪攪成嘅飲料。飲落有乳酪嘅香味，亦都有生果嘅甜味，幾唔錯
Chutney's Iced Tea
如果想飲fresh啲嘅飲料可以揀咧個，茶味香濃再加少少蜜桃汁嘅香甜，作為餐飲係幾好嘅選擇
張貼
