影片
更多
2022-05-24
1068 瀏覽
💎總評分：8.0/10-好多人對緬甸菜比較陌生，畢竟緬甸餐廳喺香港並不多🇲🇲，今次介紹呢間喺中環斜路綠色外牆嘅餐廳，打開門走落地庫，先係一個bar area同casual dining 枱，入面係絨面梳化嘅卡位🛋️。室內裝修以墨綠色為主，座位唔算多但有足夠空間感，裝修走華麗氣派風⚱️，啱晒食飯同飲嘢。Menu好多菜式都比較陌生😆，選擇貴精不貴多，基本上小編點嘅全部都係店員推介。1️⃣ Village-style Egg Curry Bites $115開邊雞蛋上面先係一層咖喱汁🍳，再灑上蝦乾等香料，烤過嘅nuts香脆可口🥜，夾住雞蛋食增添層次感之餘，亦超級惹味，將平凡嘅雞蛋變成一道美味嘅前菜😋！ 2️⃣ La Phet Thoke (Tea Leaf Salad) $140緬甸最signature嘅一個沙律🥗，除左椰菜絲、車厘茄、紫洋蔥，仲有地道D嘅食材例如醃茶葉🍃、脆豆等，口感清新爽脆。店員話salad味道偏鹹，吩咐食嘅時候切記要先將菜撈勻，小編覺得還可以👌🏻，食到魚露嘅味道同茶葉香，特別&值得一試👍🏻。3️⃣ Ohn No Khout Swel (Coconut Noodles) $180開邊流心
-
好多人對緬甸菜比較陌生，畢竟緬甸餐廳喺香港並不多🇲🇲，今次介紹呢間喺中環斜路綠色外牆嘅餐廳，打開門走落地庫，先係一個bar area同casual dining 枱，入面係絨面梳化嘅卡位🛋️。室內裝修以墨綠色為主，座位唔算多但有足夠空間感，裝修走華麗氣派風⚱️，啱晒食飯同飲嘢。Menu好多菜式都比較陌生😆，選擇貴精不貴多，基本上小編點嘅全部都係店員推介。
1️⃣ Village-style Egg Curry Bites $115開邊雞蛋上面先係一層咖喱汁🍳，再灑上蝦乾等香料，烤過嘅nuts香脆可口🥜，夾住雞蛋食增添層次感之餘，亦超級惹味，將平凡嘅雞蛋變成一道美味嘅前菜😋！
Village-style Egg Curry Bites
$115
44 瀏覽
0 讚好
0 留言
緬甸最signature嘅一個沙律🥗，除左椰菜絲、車厘茄、紫洋蔥，仲有地道D嘅食材例如醃茶葉🍃、脆豆等，口感清新爽脆。店員話salad味道偏鹹，吩咐食嘅時候切記要先將菜撈勻，小編覺得還可以👌🏻，食到魚露嘅味道同茶葉香，特別&值得一試👍🏻。
La Phet Thoke (Tea Leaf Salad)
$140
42 瀏覽
0 讚好
0 留言
開邊流心蛋令賣相變得吸引，但對於提升整體味道方面沒有大幫助😂。有別於一般嘅pasta，食法有d似撈麵🍝，呢款蛋麵嘅質地比較淋身，醬汁有D似叻沙但比較creamy，帶香濃椰汁味🥥。一個人食晒成個portion可能太濟，建議2-3人分享。
Ohn No Khout Swel (Coconut Noodles)
$180
49 瀏覽
1 讚好
0 留言
Ohn No Khout Swel (Coconut Noodles)
$180
37 瀏覽
0 讚好
0 留言
Ohn No Khout Swel (Coconut Noodles)
$180
41 瀏覽
0 讚好
0 留言
甜品繼續帶嚟驚喜🤩，雪糕嘅茶味非常突出，底下係朱古力脆片同香蕉蓉🍌，奶茶同香蕉嘅味道出奇地夾，加埋脆片嘅質感，食完令人回味🥰。
對於一向喜歡試新嘢嘅小編嚟講，緬甸菜都算比較少接觸🫢。食物夠唔夠正宗恐怕小編都無咩資格評論，但係賣相幾靚味道好食🔥，餐廳環境有異國風情得嚟亦適合同朋友敘舊或慶祝🥳，鍾意試新嘢嘅朋友可以嚟試下呀!
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
題外話/補充資料：
🚗 唔建議大家泊餐廳對出嘅斜坡，因為條路比較窄，大車例如🚔會過唔到，最好泊反喺Gough Street。
(以上食評乃用戶個人意見 , 並不代表OpenRice之觀點。)
張貼
