影片
更多
2018-07-10
105 瀏覽
聞說瀧出左個夏季日本料理 所以同女朋友係某一日上左去試一試佢今次上到去 我就揀左個同上次唔同既選擇 今次我揀左天婦羅SET一如既往 一黎到就黎左個頭盤 -- 松葉蟹蓋蟹蓋由蟹膏+松葉蟹肉+海膽+昆布JELLY結合而成由於有蟹膏係到 食落口除左有蟹肉同海膽既鮮甜外 仲有濃濃既蟹味 而且由於佢係一種冷食 所以食落去好有消暑FEEL~~第二樣上黎既係一份拼盤 由北海道白粟米+水母配芝麻醬+花螺及蝦配蟹子組成 白粟米佢係生食既 有別於我地一向煮既黎食既黃粟米但你會食到好甜既粟米味 呢樣係幾surpruse既另外 未食過水母既我 今次初嘗水母 而水母配芝麻醬係非常之夾~~~~~而水母本身都係新鮮爽口花螺食落口似係冇用任何調味 原隻上凍食既 初初我以為會有腥臭味 點知原來冇 仲幾新鮮! 不得不講番句好野之後就上左碗鮑魚清湯 內有1隻鮑魚 真材實料!雖然廚師同我講係清湯 但我飲得出有些小果皮味 同面豉味 對於我本身好抗拒飲面豉湯既人黎講 係非常滿意 因為我本身唔係太鐘意日本果種太濃面豉味既湯類 而呢碗對我黎講係岩岩好!其後 就黎左一系列既天婦羅包括:蝦天婦羅 綠茶鹽沙錐魚 白鹽日本蔥汁海鰻日本大蜆
今次上到去 我就揀左個同上次唔同既選擇 今次我揀左天婦羅SET
一如既往 一黎到就黎左個頭盤 -- 松葉蟹蓋
蟹蓋由蟹膏+松葉蟹肉+海膽+昆布JELLY結合而成
由於有蟹膏係到 食落口除左有蟹肉同海膽既鮮甜外 仲有濃濃既蟹味 而且由於佢係一種冷食 所以食落去好有消暑FEEL~~
第二樣上黎既係一份拼盤 由北海道白粟米+水母配芝麻醬+花螺及蝦配蟹子組成
白粟米佢係生食既 有別於我地一向煮既黎食既黃粟米
但你會食到好甜既粟米味 呢樣係幾surpruse既
另外 未食過水母既我 今次初嘗水母 而水母配芝麻醬係非常之夾~~~~~而水母本身都係新鮮爽口
花螺食落口似係冇用任何調味 原隻上凍食既 初初我以為會有腥臭味 點知原來冇 仲幾新鮮! 不得不講番句好野
之後就上左碗鮑魚清湯 內有1隻鮑魚 真材實料!
雖然廚師同我講係清湯 但我飲得出有些小果皮味 同面豉味 對於我本身好抗拒飲面豉湯既人黎講 係非常滿意 因為我本身唔係太鐘意日本果種太濃面豉味既湯類 而呢碗對我黎講係岩岩好!
其後 就黎左一系列既天婦羅
包括:
蝦天婦羅 綠茶鹽
沙錐魚 白鹽
日本蔥汁海鰻
日本大蜆
白蝦
日本甘鯛
瀨尿蝦
鮑魚
金針菜
蝦天婦羅: 建議配搭綠茶鹽食用 同上次食既時候一樣 蝦天婦羅係我最鐘意既一款 原因好簡單:少粉 令你真係食到蝦天婦羅而唔係成口粉 最後我連尾都食埋落肚
沙錐魚天婦羅及日本甘鯛天婦羅: 建議配搭岩鹽食用 魚肉厚而嫩滑 要注意既係甘鯛下半部係由魚鱗裝飾而成 美觀而不能食用嫁!!!
日本蔥汁海鰻天婦羅: 呢款又係不得不重點推介 呢款天婦羅係配蔥汁同爆香過蔥食用 濃濃既蔥味加埋海鰻既鮮味 真係衝擊鐘意食蔥人士既味覺
日本大蜆天婦羅: 無需配任何調味料食用 因為佢本身係連埋一D配料去處用 例如有冬菇粒 去保持大蜆本身既原有鮮味之餘 仲食落多一浸香味
白蝦天婦羅: 由幾條白蝦痴埋一齊去炸成 第一眼望住以為白飯魚 sosad 呢款可能要配檸檬汁食會比較好D 因為白蝦本身比較幼細 冇咁多肉 所以會建議配檸汁幫佢添加味道
瀨尿蝦天婦羅: 我就第一次食 同另兩類蝦天婦羅比 呢款係肉比較實而有咬口既 味道唔錯!
鮑魚天婦羅: 保持到外脆內爽既口感 配鹽/檸汁食都係唔錯既
金針菜天婦羅: 最後以蔬菜既天婦羅做結尾 我認為作用係去走你食完咁多天婦羅之後果浸油炸味用既 幾清甜!
食完一系列既天婦羅 我就揀左凍道亭面黎食 見夏天熱辣辣 梗係揀番個冷面食下 碗面其實係配一個清清地既湯底 我個人認為碗面係重點唔係食味道而係食口感 因為佢D面條係煙煙韌韌 好有口感既 幾好食 亦都係食左咁多年面 第一次係到真係煙煙韌韌既感覺
最後甜品黎左個鹿兒島炸蓄薯 及 日本蜜瓜及車厘子做埋尾
鹿兒島炸蕃薯係連皮放入去炸一段長時間 而令你出到黎既效果係可以連皮食 呢款係會配白蘭地汁+白沙糖黎食 甜品黎講係一流既 蕃薯連皮食可令你同埋食到外皮既香脆及內嫩既薯肉
而日本蜜瓜一向都係出名甜而多汁 呢樣真係冇得輸 係一個甜美既結局!
張貼
