浪人日本料理 (已結業)

中環高質放題✨ 講到呢間浪人其實都幾有驚喜，刺身用料高級，三文魚係用魚腩部位，仲有帶子油甘呢類高級食材，壽司類型都好吸引，海膽/三文魚子/吞拿魚蓉/赤貝等，仲要全部都幾高質下，壽司都係用赤醋飯食落特別香✨除咗生嘢之外，另一亮點係佢有一系列爐端燒食品，開放式廚房仲睇到個爐燒緊啲乜，羊架牛扒全部都燒得好惹味，仲有我至愛嘅燒菠蘿🤣 其他必推食物一夜干池魚燒，試問有幾可會見到放題有一夜干食先得，另外Parma ham切得細細塊再包住蜜瓜粒，一粒一粒咁啪好好味🤤仲有一個唔可以睇少位就係佢地啲甜品都有啲料到，必試焙茶芝士蛋糕同埋迷你馬卡龍，雪糕反而好一般，話說第一次叫一件馬卡龍就有一粒，然後第二次叫四粒時佢嚟咗十二粒，話一客三粒連個店員都忍唔住笑🤣 不如幾好食所以話咁快就清咗😗最後想講呢度放題形式有點特別，只係熟食係落單，前菜生冷嘢同爐端燒都係要自己出去夾，好處就包唔會漏單，但其實佢嘅refill速度唔算快，特別係啲熱門種類好快俾人夾哂，剩低一堆賣剩蔗響度，然後因為仲有好多嘢響度自然唔會點refill，結果就愈放愈耐愈嚟愈冇人夾🙄可能我晏入場啦，基本上到九點零已經唔會點fill嘢，所以如果想食建議