Cuisine Culture

營業中

休息中

今日朋友帶我去中環Cuisine Culture，餐廳主打法式私房菜，而家做緊推廣，經Openrice網上訂座，可享單點餐牌正價75折，非常抵食。焗法式地道古也芝士洋蔥湯：洋蔥湯上枱熱騰騰，香氣噗鼻而來，湯面放左一片法包，仲加左好多芝士，濃郁而美味。煙三文魚牛油果沙律：新鮮沙律菜，配上煙三文魚、蕃茄仔、牛油果，開胃又健康。香草海鹽燒美國原條牛肋骨配薯條：餐廳好細心，把牛肋骨既肉預先切好，再一塊塊鋪番喺牛骨上面，肉質軟腍，牛味香濃。日本鮮帶子檸檬汁初榨橄欖油意粉：大大粒既帶子，鮮甜厚肉，意粉煮得彈牙，搭配檸檬汁，味道估唔到咁夾。法式焦糖燉蛋：如絲般幼滑既燉蛋，上面有一層烤得恰到好處既焦糖，食到香脆又軟滑既雙重口感。整體來說，食物有水準，服務優質，性價比高。