影片
更多
2024-07-07
83 瀏覽
又係食壽司的日子，今晚係中環揾左一緒一番酒場食廚師發板。單睇一緒一番個名以為係居酒屋既格局，原來完全唔係，餐廳位於26樓高層，樓底高配上開揚落地大玻璃，空間感舒服之餘又可以欣賞夜景，的確係未食飯先享受。今晚同老婆點了壽司套餐，前菜係水雲豆腐沙律配紅酒蕎頭同芝麻牛蒡，擺盤好優雅精美，水雲入口滑溜，味道微酸，配上蟹肉同魚子既咸香，再加上豆腐口感，層次感豐富。蕎頭味道酸甜，口感爽口，越食越有紅酒味，食完打開左個味蕾。刺身係愛媛縣產真鯛魚簿切配海草，酸汁，魚味淡淡滲出來，同海草既大海味，酸汁既微酸交雜，好特別又好味。然後係壽司環節，首先係千葉縣產地金目鯛壽司，鯛魚口感爽口，淡淡魚味加微微魚油，作為首發壽司清爽怡人。北寄貝壽司，貝鮮既鮮甜味滿滿係口腔爆發。深海池魚壽司，池魚魚油出名豐富，越嚼越有味道。鰤魚壽司配柚子胡椒，鰤魚好肥美，同柚子胡椒完美配合，既鮮又唔會太膩。赤貝壽司，赤貝口感爽口，入口就感受到好新鮮，完全一點腥味都無，甜味越食越滲出來。赤海蝦壽司配烏魚子，蝦肉鮮甜，加上烏魚子既咸香，一件壽司兩個層次。大拖羅壽司，大將揀左無筋既位置，食到拖羅滿滿既魚鮮味，又唔會太肥膩，係口中慢慢溶化。北
今晚同老婆點了壽司套餐，前菜係水雲豆腐沙律配紅酒蕎頭同芝麻牛蒡，擺盤好優雅精美，水雲入口滑溜，味道微酸，配上蟹肉同魚子既咸香，再加上豆腐口感，層次感豐富。蕎頭味道酸甜，口感爽口，越食越有紅酒味，食完打開左個味蕾。
刺身係愛媛縣產真鯛魚簿切配海草，酸汁，魚味淡淡滲出來，同海草既大海味，酸汁既微酸交雜，好特別又好味。
然後係壽司環節，首先係千葉縣產地金目鯛壽司，鯛魚口感爽口，淡淡魚味加微微魚油，作為首發壽司清爽怡人。北寄貝壽司，貝鮮既鮮甜味滿滿係口腔爆發。
深海池魚壽司，池魚魚油出名豐富，越嚼越有味道。鰤魚壽司配柚子胡椒，鰤魚好肥美，同柚子胡椒完美配合，既鮮又唔會太膩。
赤貝壽司，赤貝口感爽口，入口就感受到好新鮮，完全一點腥味都無，甜味越食越滲出來。赤海蝦壽司配烏魚子，蝦肉鮮甜，加上烏魚子既咸香，一件壽司兩個層次。
大拖羅壽司，大將揀左無筋既位置，食到拖羅滿滿既魚鮮味，又唔會太肥膩，係口中慢慢溶化。
北海道根室海膽壽司，海膽好鮮甜，入口即融，最後同海苔壽司飯融為一體，直入肚中。最後係右口魚邊壽司，右口魚邊魚油豐富，火炙後一股魚香味四溢，食完一口魚油，令人回味。一邊享受美食，一邊同釗師傅互動聊天，得知他入行多達11年，怪不得有如此功架。
套餐還包括燒物拼盤，餐廳燒烤區係正中位置，可以觀賞到師傅燒烤的功架。燒物燒到好夠火喉，配上清酒食相當惹味。
我哋除左壽司套餐外，還追加清酒配對，今個月係精選岐阜縣六枝清酒，由甘口到辛口，清爽到圓潤，多種味道配上壽司食物，令整餐飯都昇華不少。閒談之下，餐廳會定期更換清酒，令客人保持新鮮感又可以品嘗不同地方的限定酒，真係令人雀躍，一緒一番酒場的確係中環一個輕鬆食飯飲酒既好地方，值得推薦！
張貼
