霸嗎拉麵 (德己立街)

營業中

休息中

是日六月五日，星期三，難得放半天假見見陽光，放工已是下午三時多，便在街上走走找吃的，突然想食日本拉麵，轉了個彎看到這間門面掛了紅白燈籠的霸嗎拉麵。進店時人很少，可能不是飯市所以只有四五位人客，坐下來點了雞叉燒味玉子拉麵，跟一小瓶清酒，後來侍應回覆沒有啤酒，我說我叫的是清酒，她才說我們所有酒類都沒有。哦，咁即係酒牌有問題啦，咁加 $8 要可樂算了。不消三四分鐘，麵就來了，很有效率啊！放好一看，湯的顏色半清不濁，明顯一浸油浮於湯上，那雞叉燒厚得夠像白切雞一件咁厚，色澤一般吧。日式拉麵定律，先來一口湯，蔥，炸蒜味濃，再來是一種鹹味，說好了的雞湯呢？再夾起一抽麵條，突然就傳來一陣令人反胃的悶味，就像用熱水淥浸碗布那種氣味，油油的又熱騰騰的感覺。本死的放入口，又不是太離譜，咬得下，吞得落，不過就真係好難食，又冇雞味又送毛巾味，加上兩件雞個心仲係凍嘅，多謝晒，隻味玉子是我唯一食晒的東西。食品外，連罐可樂都係唔凍的，所以我叫了冰底。完了，冇下次精選又一傑作。