SONIA COFFEE (已結業)

呢間餐廳位置有少少 confusing, 因為入到H code 有另一間鄰近嘅餐廳係出面。所以想搵 Sonia Coffee嘅朋友，記得入左門口仲要再左轉行入啲呀。我同朋友叫左一個明太子三文魚意粉，一個素食全日早餐，一杯玫瑰拿鐵一杯拿鐵，仲有一個忌廉焦糖吉士布丁。明太子意粉嘅明太子我認為味道唔係好突出，反而配菜嘅紫菜同洋蔥味會較突出。所以係偏日式嘅煮法。食落都ok，但唔可以話超好食。素食全日早餐就不過不失啦，唯一可以講講個可樂餅幾好食！飲品方面都好正路。我叫嘅玫瑰拿鐵亦一黎到即刻有滿滿嘅玫瑰味撲鼻。飲落亦有玫瑰味，呢個不錯！只需15蚊加購，抵嘅！布丁都係32蚊加購，都抵！味道好食！賣相原本好靚，好可惜咁啱我地個份斜左。。。不過整體黎講就係正正常常嘅Cafe 啦！