麵三館 (已結業)

之前同事話帶我食蒸飯，原來係銀杏館對面呢間麵三館。一坐底，店員話冇做蒸飯喇，不如試下食麵。麵就偏貴少少(即係我會俾$100食飯餐但$70食麵就叫偏貴啦)。見到湯底都有黑湯白湯，幾得意，就是但試下雙丸扁蛋麵，配料任加，你想落晒都得。前菜or餐飲二揀一，我選左個牛舌。前菜份量都夠，只係嫌個娘惹醬唔夠味。麵就可以食硬麵，我個人鐘意麵硬。個湯幾特別，好重葯味，似新加坡加中國風。粒墨丸好彈亦食到有真墨魚，加分。整體ok，如果唔嫌重口味，可以一試。