Homie Cookies (已結業)

仲有一個月就中秋節啦🌕，係時候推介下月餅。唔想食傳統嘅月餅，想試新奇野，可以試下Homies Cookies推出一盒六件嘅曲奇月餅，入面有兩款味道 －奶黃月餅味同蛋黃白蓮蓉。▫️我家婆婆一見到月餅，第一時間就問有冇豬油。'冇豬油架'！我強調，因為我已經食左兩個，哈😂。▫️個曲奇月餅甜度剛好，唔會太膩，曲奇質地鬆化🍪，而餅底焗到有少少脆，非常好味。曲奇份量唔算大，一次食兩個啊，都唔會太飽，啱晒女仕們食👭。金黃色既曲奇月餅，再喺面上鋪了銀、金箔，高貴大方💎。