蟹點

營業中

休息中

晚上七點幾來到位於鴨脷洲西邨街市的蟹點，已經座無虛席。等了數分鐘入座，仍然陸續有人等位，十分旺場，非常熱鬧。餐廳食物多元化而且菜式又多，有中菜，海鮮，泰菜同埋潮洲菜，真係梗有一款啱你食。雖然人多，但上菜都唔慢，店員仲好貼心，我哋點完黑胡椒炒蟹後，即送來一次性圍裙和手套，有禮又殷勤。黑胡椒炒蟹：蟹膏唔算多，但蟹肉鮮味結實和豐厚，夠晒新鮮。蟹鉗大大隻，咬落啖啖肉，用黑胡椒炒，味道突出，滋味無窮。大蝦沙律：大蝦非常彈牙，好似冬陰公嘅味道，辣得嚟好惹味。滷汁掌翼：傳統潮式菜，掌翼都幾入味，喜歡掌翼可以一試。金銀蛋肉崧浸翡翠苗：上枱時仲滾緊，熱辣辣。湯底係用白胡椒熬製，非常特別。平時食泰國嘢，我通常都會叫芒果沙冰，今次試吓菠蘿沙冰，感覺好fresh, 又解渴。