金記冰室 (建新中心)

營業中

休息中

食過金記冰室都知食物水準算優質，而且足料分量食得超值，都係我心水飯堂首選之一，今次又來到九龍塘呢間金記冰室敍餐，係餐牌上已有一系列精選菜式提供，由中式小菜以至港味小食夠晒多元化，是日晚餐就點了一款中式同一個鐵板套餐一齊大家品嚐美食，先來係有四川重慶口水雞（倒牌），味道香辣味濃風味十足，入口啖啖肉質香嫩雞肉，加上沾滿四川重慶辣醬汁，會越食越滋味，輪到另一款係鐵板美式什扒連意粉，淋上濃郁黑椒汁係鐵板上，即時香味撲鼻，美式什扒有齊牛扒、豬扒、雞扒、煙肉、腸仔，可以一次滿足到大家食慾，當然要點杯特色飲品雪糕紅豆冰，繼續一邊飲一邊食先至係一餐完美晚飯。