更多
2025-07-12
0 瀏覽
之前喺其他區都食過金記冰室,印象中都係一間唔錯既餐廳就入去醫肚。叫咗火腿通粉加炒蛋餐,女女就食西多士同熱華田。通粉熟得啱啱好,蛋炒得滑,冇多油。西多士一上枱熱辣辣,入面既花生醬好足料,女女都覺得好好食,食咗大半個多士,我都只係可以試幾啖。華田香濃但唔太甜,啱晒小朋友口味。地方唔算大,不過都夠我同呀女有安全既位置食野,雖然之前安排俾我哋個位有啲大風,但服務員都好好幫手搬位,態度好親切👍。成餐兩個人埋單唔使七十蚊,平靚正,對家庭主婦嚟講非常實用。下次會再帶女女黎食其他野🍞。
張貼